ગરમીની સીઝન આવે અને વ્યક્તિને કેરી યાદ આવે. ગરમીમાં કોઇ પણ વ્યક્તિ કેરી, રસ, બાફલો અને અથાણાનું સેવન કરે છે. આ બધી વસ્તુઓના કારણે શાકનો વપરાશ ઘટી જાય છે. ગરમીના દિવસોમાં ભોજન કરતી વખતે થોડી સાવધાનીઓ રાખવી પડે છે. જેથી તમારું સ્વાસ્થ્ય ન બગડે અને પોષણ પણ મળતું રહે. ગરમીમાં ખવાતા કેટલાક શાકભાજી હેલ્થ માટે ખુબ જરુરી છે. આ શાકભાજી તમારી ઘણી સમસ્યાઓ દુર કરશે.
ગરમીમાં આ શાક કરે છે ફાયદો
વજન ઘટાડવાની સાથે બનાવે છે હેલ્ધી
હેલ્થ માટે ગરમીના આ શાક છે ફળદાયી
દૂધી
ગરમીની સીઝનમાં પાચન સંબંધિત સમસ્યાઓ વધુ રહે છે. તેથી આ સીઝનમાં દૂધી વધુ ખાવામાં આવે છે. દૂધીમાં પોટેશિયમ, સોડિયમ અને વિટામીન સીની સાથે જરુરી પોષક તત્વો અને ભરપુર પાણી હોય છે. તે તમારું વજન ઘટાડવામાં પણ ઉપયોગી છે.
ગલકા
ગલકાને બ્લડ પ્યુરીફાયર માનવામાં આવે છે. તેમાં રહેલું આયરન, પોટેશિયમ અને વિટામીન્સ એનીમિયા, બ્લડ પ્રેશર અને બ્રેઇન ફંક્શનને યોગ્ય રાખવામાં મદદ કરે છે.
કોબીજ
ગરમીની સીઝનમાં કોબીજ તમારા પાચનમાં મદદ કરે છે અને કબજિયાતથી પણ છુટકારો અપાવે છે. તે ફાઇબર અને પોષકતત્વોથી ભરપુર હોય છે. અત્યારે કોબીજ મબલખ મળે છે. જો તમને તેનો સ્વાદ ઓછો ગમે તો તમે પરાઠા કે મુઠિયા જેવી વાનગીઓમાં કે સલાડમાં તેનો ઉપયોગ કરી શકો છો.
કેરી
આ સીઝનમાં કાચી કેરી ખૂબ મળે છે. તેનું સેવન ખૂબ ફાયદાકારક છે. કેરીનું શાક કે ચટણી નહીં, પરંતુ આમ પન્ના પીને તમે ગરમીના પ્રકોપથી બચી શકો છો.
પાંદડાવાળા શાકભાજી
ગરમીમાં પાંદડાવાળા શાકભાજી આમ તો ઓછા મળે છે, પરંતુ તેનું સેવન આ સીઝનમાં લાભ આપે છે. તે શરીરમાં પાણી અને પોષણની ખામી થવા દેતા નથી અને તમને સ્વસ્થ રાખવામાં મદદ કરે છે.
કાકડી
અલગ અલગ પ્રકારની કાકડીના અલગ અલગ ફાયદા હોય છે. તે ડિહાઇડ્રેશનથી બચાવીને શરીરમાં ભેજ જાળવી રાખે છે. સાથે સાથે તે ગરમીના પ્રકોપથી બચાવવામાં પણ ફાયદાકારક છે.