કાચુ પપૈયુ, તલનું તેલ અને કાળા મરીનો આ ખાસ રીતે ઉપયોગ કરવાથી સફેદ વાળ 7 દિવસમાં કાળા થશે.
આ છે કમાલનો ઘરેલૂ નુસખો
સફેદ વાળને કરી દેશે કાળા
આ સિમ્પલ ચીજો કરશે તમારી મદદ
વાળના કારણે મનુષ્યની શોભા વધી જાય છે. પછી તે મહિલા હોય કે પુરુષ. દરેકને કાળા વાળ જ પસંદ આવે છે. પરંતુ તેની દેખરેખ કરવાનું કામ આજકાલ મુશ્કેલ બની ચૂક્યું છે. દરેકના વાળ એકસરખા પણ હોતા નથી માટે તેને કેર કરવામાં પણ ધ્યાન રાખવાની ખાસ જરૂર રહે છે.
મોંઘી પ્રોક્ટ્સ નહીં ઘરેલૂ ઉપાયો કરશે તમારી મદદ
આજકાલની ઉંમરમાં ટિલિયા પણું, વાળ ખરવા અને સફેદ વાળની સમસ્યા સામાન્ય બની છે. સફેદ વાળ અને ટાલિયાપણાના કારણે વ્યક્તિ ઉંમરથી વધારે મોટો દેખાય છે. વાળની કેર કરવા માટે અનેક મોંઘા બ્યૂટી પ્રોડક્ટ્સનો ઉપયોગ કરતા પણ તેઓ ખચકાતા નથી. પરંતુ અનેક વાર તેમાં પણ સમસ્યાઓ વધી જાય છે. આ સમયે તમે વિચારો છો કે વાળને કલર કરવા સિવાય તમારી પાસે કોઈ વિકલ્પ બચતો નથી. પરંતુ શું તમે જાણો છો કે કેટલાક ઘરેલૂ ઉપાયોની મદદથી તમે વાળને સરળતાથી ઘરે બેઠા ફક્ત 7 દિવસમાં કાળા થતા જોઈ શકો છો. આ માટે તમારે આ સરળ ઉપાયો અજમાવી લેવાની જરૂર છે.
અપનાવી લો આ ખાસ નુસખા
કાચું પપૈયુ
સૌ પહેલાં તો તમે કાચું પપૈયુ લઈ આવો અને તેની પેસ્ટ બનાવી લો. આ પેસ્ટને વાળના મૂળમાં અને વાળ પર મહેંદીની જેમ લગાવી લો. અઠવાડિયામાં 3 વાર આવું કરો. જ્યારે પેસ્ટ વાળમાં લગાવો ત્યારે તેને વધુમાં વધુ 20 મિનિટ સુધી રહેવા દો. આ પછી વાળ ધોઈ લો. આમ કરવાથી તમારા વાળમાં ડેન્ડ્રફની સમસ્યા હશે તો તે પણ દૂર થઈ જશે અને વાળ કાળા થવા લાગશે.
તલનું તેલ
તલનું તેલ વાળ માટે સારું માનવામાં આવે છે. સાથે તલનું સેવન કે તલના તેલનું સેવન પણ લાભદાયી માનવામાં આવ્યું છે જો તમે ભોજનમાં તેને સામેલ કરો છો તો વાળ લાંબા સમય સુધી કાળા અને ભરાવદાર બની રહે છે.
કાળા મરી
સફેદ વાળને કાળા કરવામાં કાળા મરીનો ઉપયોગ કરાય છે. આ માટે મરીને પાણીમાં ઉકાળી લો અને આ પાણી ઠંડું થાય ત્યારે તેનાથી માથું ધોઈ લો. અઠવાડિયામાં 2-3 વાર આ કામ કરો. તમારા સફેદ વાળ કાળા થવા લાગશે.