જો તમને વારંવાર કોઇપણ કારણસર માથાનો દુઃખાવો રહ્યા કરે છે તો તેના માટે અમે કેટલીક ખાસ ટિપ્સ આપને માટે લાવ્યા છીએ. ઘરની ચીજોના આ ઉપયોગથી તમે માથાના દુઃખાવામાંથી રાહત મેળવી શકો છો. નાની પણ કામની આ વાતો તમને ઘણી રાહત આપે છે. તો જાણી લો આવી હોમ ટિપ્સ અને માથું દુઃખે ત્યારે યાદથી તેનો ઉપયોગ કરો. તમારે કોઈ પણ દવા લેવાની જરૂર રહેશે નહીં.
અપનાવો આ 12 કિચન ટિપ્સ
જમણી બાજુ માથું દુઃખે તો ડાબી તરફ અને ડાબી તરફ દુઃખે તો જમણા નાકમાં એક ટીપું મધ નાંખો. રાહત મળશે.
માઇગ્રેનના દુઃખાવામાં ગાયનું તાજું ઘી સવાર સાંજ નાકથી સૂંધવાથી રાહત મળે છે.
ખીરા કાકડીને કાપીને સૂંઘવાથી કે માથા પર ઘસવાથી માથાના દુઃખાવામાં તરત જ લાભ મળે છે.
ગોળને પાણીમાં ઓગાળીને ગાળીને પીવાથી માથાના દુઃખાવામાં રાહત મળે છે.
તુલસીના પાનને પીસીને તેનો લેપ લગાવવાથી માથાના દુઃખાવામાં રાહત મળે છે.
ગરમીનું માથું દુઃખતું હોય તો દહીંની માલિશ કરો, કફથી દુઃખતું હોય તો આ પ્રયોગ ન કરવો.
સવારે ખાલી પેટે એક સફરજન કાપીને તેની પર મીઠું નાંખીને ખાઓ, માથાના દુઃખાવામાં રાહત મળશે.
દૂધીનો પલ્પ માથા પર લગાવવાથી માથાના દુઃખાવામાં રાહત મળે છે.
તજને પીસીને તેમાં પાણી મિક્સ કરી પેસ્ટ બનાવો. તેને માથા પર લગાવો, સૂકાય એટલે ધોઇ લો.
તવા પર લવિંગ ગરમ કરો અને તેને રૂમાલમાં બાંધીને થોડી વારે સૂંધતા રહો, માથાનો દુઃખાવો દૂર થશે.
કાચા જામફળને પીસીને સવારે ઊઠીને માથા પર લેપ કરવાથી માથાના દુઃખાવામાં રાહત મળે છે.
માથાનો દુઃખાવો વધારે રહેતો હોય તો માથા પર ઠંડા પાણીની ધાર કરો. આરામ મળશે.