હવે કોરોનામાં હેર કૅર માટે પાર્લરમાં જવાનું શક્ય નથી. આ સમયે તમે ઓછા ખર્ચે ઘરે જ હેર સ્ક્રબ બનાવી શકો છો અને તેનાથી તમારા વાળને નવી શાઈન આપવાની સાથે તેને સિલ્કી બનાવી શકો છો. ઘરની ચીજોથી બનાવેલા હેર સ્ક્રબની કોઈ સાઈડ ઈફેક્ટ પણ થતી નથી. આ સિવાય તમે અન્ટીઓક્સીડન્ટ્સ અને એન્ટી બેક્ટેરિયલ એવા આમળા અને મેથીને પણ વાળ માટે ઉપયોગમાં લઈ શકો છો. જાણો કઈ રીતે ઘરે બનાવશો હેર સ્ક્રબ.
ઘરે જ સરળતાથી કરો વાળની કૅર
ઘરે બનાવી લો હેર સ્ક્રબ
વાળને આ રીતે બનાવો શાઈની અને સિલ્કી
આમળા
આમળામાં એન્ટી ઈન્ફ્લામેટરી પ્રોપર્ટી હોય છે જે તમારા વાળને વધારે છે. આ માટે તમે આમળાને લીંબુના રસની સાથે મિક્સ કરીને સ્કલ્પ પર મસાજ કરો. આખી રાત તેને રહેવા દો અને સવારે ફરી સામાન્ય શેમ્પૂથી વાળ ધોઈ લો.
મેથી
આ માટે આખી રાત મેથીના બીજને પાણીમાં પલાળીને રાખો. સવારે તેનને પીસીને વાળમાં લગાવો. ઓછામાં ઓછી 45 મિનિટ સુધી તેને વાળમાં લગાવીને રાખો. પછી વાળને ધોઈ લો. મેથીના બીજનો આ રીતે પ્રયોગ કરવાથી વાળ મજબૂત બને છે.
આ રીતે ઘરે બનાવી લો સ્ક્રબ
વાળને ડીપ ક્લીન્ઝિંગ માટે ઘરે 2 ચમચી બ્રાઉન શુગર, લેવન્ડર ઓઈલના થોડા ટીપાં, અડધી ચમચી નારિયેળ તેલ, અડધી ચમચી પાણી મિક્સ કરીને સ્ક્રબ બનાવો. સ્ક્રબ લગાવતા પહેલાં વાળને સારી રીતે ધોઈ લેવા જરૂરી છે. હવે સ્ક્રબથી વાળના મૂળમાં મસાજ કરો અને 10 મિનિટ રહેવા દો. પછી વાળને સામાન્ય પાણીથી ધોઈ લો અને પછી કંડીશનરનો ઉપયોગ કરો. તમારું ડેન્ડ્રફ ખતમ થઈ જશે.