હેલ્થ / જો ફેફસા વધુ સુરક્ષિત રાખવા માંગો છો તો ડુંગળી સાથે આ ચાર પદાર્થોનો કરો ઉપયોગ

• ફેફસા સુરક્ષિત રાખવા માટે કસરત અને પ્રાણાયામ ફાયદાકારક 
• જો કામ કરતાં કરતાં શ્વાસ ચઢે તો માનો કે તમારા ફેફસા નબળા છે 
• ઘરમાં રહેલ આ પદાર્થો દ્વારા ફેફસા મજબુત કરી શકશો 

ફેફસા સુરક્ષિત રાખવા માટે કસરત અને પ્રાણાયામ ફાયદાકારક 
ફેફસા વધુ સુરક્ષિત રાખવા માટે તમે રોજ કસરત અને પ્રાણાયામ કરી શકો છો. પણ સાથે સાથે એવા ખાદ્યપદાર્થો પણ જમવામાં લો જેનાથી પુરતા વિટામીન્સ અને મિનરલ્સ મળી રહે. પ્રદૂષણ અને સ્મોકીંગ નાં આ વાતાવરણમાં ફેફસાનું ધ્યાન રાખવું ખૂબ જ જરૂરી છે. કારણકે કોઈ પણ ક્રિયા કરવા માટે શ્વાસની અવર જવર અત્યંત જરૂરી છે. જો તમારા ફેફસા સારા હશે તો કોરોના સંક્રમિત થયા બાદ પણ તમે જલ્દી સારા થઈ જશો. 

જો કામ કરતાં કરતાં શ્વાસ ચઢે તો માનો કે તમારા ફેફસા નબળા છે
જો ક્યારેય પરિશ્રમ કરતાં વખતે તમને શ્વાસ ચઢી જાય તો માની લેજો કે તમારા ફેફસા નબળા છે. અને જો તમારા ફેંફસા બરાબર રીતે કામ નથી કરતાં તો તમને અસ્થમા, ન્યુમોનિયા, ટીબી અને કેન્સર જેવા ઘણા રોગો થઈ શકે છે. અને બીજી બાજુ કોરોના વાયરસ પણ ફેફસા પર અસર કરે છે. જેથી તમને શ્વાસ લેવામાં તકલીફ પડે છે. એના કરતાં સારું એ રહેશે કે તમે તમારા ફેફસાની કાળજી લો. 

ઘરમાં રહેલ આ પદાર્થો દ્વારા ફેફસા મજબુત કરી શકશો 
સૌથી પહેલા અડધી ચમચી હળદર, 5-6 લસણ, થોડું આદું અને અડધી ડુંગળીને મિક્ષરમાં મિક્સ કરી થોડી જાડી પેસ્ટ બનાવી લો. ત્યારબાદ પતંજલિ દિવ્યાધારાનાં થોડા ટીપાં નાખી તેને સરખી રીતે હલાવી લો. હવે આ પેસ્ટને તમારી છાતી પર લગાવો. આ પેસ્ટ લગાવ્યા બાદ એક કોટનના કપડાંને છાતી પર વીંટાળી દો. ત્યાર પછી તમારા શરીર પર ગરમ શાલ કે કપડું રાખો. 

બસ આ આયુર્વેદિક લેપની પ્રક્રિયા કરવાથી તમે ફેફસા મજબુત કરી શકશો