આ ગરમીથી છુટકારો મેળવવા તમે પોર્ટેબલ એસીનો ઉપયોગ કરી શકો છો. જેના ઉપયોગથી તમારે વીજળી બિલ ભરવું પડશે નહીં. આ એસી સોલર એનર્જીથી ચાર્જ થશે.
ગરમી શરૂ થતાં જ આપણે કૂલર અથના એસી માટે વિચારવાનું શરૂ કરી દઇએ છીએ કે હવે ઘરમાં દરેક સમયે એસીની જરૂર પડશે અને ઘરની બહાર નિકળતા અચકાઇએ છીએ. એવામાં અમે આજે તમને એક એવા એસી માટે જણાવવા જઇ રહ્યા છીએ જેનો તમે ઘરમાં ઉપયોગ કરવા સાથે બહાર ક્યાંય પણ ઉપયોગ કરી શકો છો. આ એસીનું નામ coolala છે, જેને coolala નામની કંપનીએ તૈયાર કર્યું છે. આ દુનિયાનું પહેલું પોર્ટેબલ અને સોલર પાવર્ડ એસી છે. જેની કિંમત તમારા બજેટમાં છે.
આ એસીની શરૂઆતની કિંમત 13500 રૂપિયા છે અને એને ચલાવવા માટે વીજળીની જરૂર પડશે નહીં. વાસ્તવમાં આ એસી સોલર એનર્જીથી ચાર્જ થાય છે. એક વખત ચાર્જ થયા બાદ 8 કલાક સુધી ચાલી શકે છે. એના ફીચર્સની વાત કરીએ તો એમાં એલઇડી લાઇટ આપવામાં આવી છે. એટલે કે અંધારામાં લાઇટનો ઉપયોગ પણ કરી શકો છો. આ એસી 50 સ્કેવર ફીટના એરિયાને ઠંડો કરે છે. એને ઘરની અંદર અને બહાર બંને જગ્યાએ ઉપયોગ કરી શકો છો. ગ્રાહક એને kickstarter.comથી ઓર્ડર કરી શકે છે. જણાવી દઇએ કે આ એસીની સાથે તમને સોલર પેનલ, પાવર બેંકસ એક્જૉસ્ટ હોસ, એસી અને ડીસી એડૉપ્ટર પણ મળશે.
ઘરની અંદર ઉપયોગ કરવા માટે એસીને પાવર એડૉપ્ટરથી પ્લગ ઇન કરો. જો ઘરની બહાર એનો ઉપયોગ કરવા ઇચ્છો છો તો એને પાવર સ્ટેશનથી અટેચ કરો. જણાવી દઇએ કે એમાં મોસ્ટ પાવરફુલ માઇક્રો એર કમ્પ્રેસરનો ઉપયોગ કરવામાં આવ્યો છે જેનું સમગ્ર વજન 3 કિલો છે. આ એસીને કંપનીએ 6 વેરિએન્ટમાં ઊતાર્યું છે. એનું સૌથી સસ્તુ વેરિએન્ટ 13503 રૂપિયાનું છે. અને સૌથી મોંઘુ મૉડલ 30,874 રૂપિયામાં આવે છે.