હાલમાં લગ્નની સીઝન ચાલી રહી છે. આ સમયે જો તમે તમારા ઘરમાં સોનાની ખરીદીનો પ્લાન કરી રહ્યા છો તો તમારે કેટલીક વાતોનું ધ્યાન રાખી લેવાની જરૂર છે. જો તમે કોઈ બ્રાન્ડેડ પ્લેસથી શોપિંગ કરી રહ્યા છો તો તમે સોનાની ખરાઈ માટે કોઈ શંકા ન રાખો તે સ્વાભાવિક છે. પરંતુ આ સમયે પણ તમારે હોલમાર્ક તો અવશ્ય ચેક કરી લેવો જોઈએ. આ સિવાય જો તમે તમારા કોઈ જાણકારને ત્યાંથી સોનાના દાગીનાની ખરીદી કરો છો તો તમારે આ સિમ્પલ ટિપ્સથી તેને ચેક કરી લેવાનું જરૂરી છે. જેથી તમે ફ્રોડનો ભોગ બનવાથી બચી શકો.
લગ્ન સીઝનમાં સોનું ખરીદતા રાખી લો આ વાતોનું ધ્યાન
જાતે જ સરળ રીતે કરી લો સોનાની ખરાઈ
માન્ય શોરૂમ સિવાયની ખરીદીમાં કરી લો આ ચેકિંગ
સોનાની કિંમત કેવી રીતે કાઢશો?
સોનાની કિંમત તેના કેરેટના હિસાબથી નક્કી થાય છે અને જેટલુ વધારે કેરેટનું સોનુ હશે તેટલુ વધારે તે મોંઘુ હશે. તેથી કેરેટ જોઈને તેની કિંમતની માહિતી લો. ખરેખર, આપણે સોનુ ખરીદતી વેળાએ 24 કેરેટના સોનાના ભાવ જોઈએ છે અને જ્વેલરી માટે 22 કેરેટનુ સોનું ખરીદીએ છીએ. જેની કિંમત ખૂબ ઓછી હોય છે. જેના માટે 24 કેરેટ સોનાના ભાવનો 24થી ભાગાકાર કરો અને 22થી ગુણાકાર કરો. જેનાથી તમને 22 કેરેટ સોનાની કિંમત ખબર પડી જશે.
આ રીતે ચેક કરો તમારું સોનું અસલી છે કે નકલી
મેગ્નેટ ટેસ્ટ
યાદ રાખી લો કે સોનુ ચુંબક પર ચોંટી જાય છે, તેથી એક સ્ટ્રોંગ ચુંબક લઈ લો અને તેના પર સોનાને ચોંટાડવાનો પ્રયત્ન કરો. જો થોડું સોનું પણ ચુંબક તરફ આકર્ષિત થાય તો સમજવુ કે સોનામાં કોઈ વાંધો નથી. આ સરળ ઉપાય ગમે તે જગ્યાએ તમે કરી શકો છો. તેથી ચુંબકથી ચેક કરીને સોનું ખરીદો.
વોટર ટેસ્ટ
સોનાનો વોટર ટેસ્ટ કરવા માટે એક કપ પાણી લો અને તેમાં સોનાને ડૂબાડો. જો સોનું પાણીના કપમાં ડૂબી જાય તો તે અસલી છે, જ્યારે તે પાણીમાં તરે છે તો તે સોનું અસલી નથી. અસલી અને નકલી સિક્કાની પરખ તેના ખણખણ ધ્વનિ જેવા અવાજથી થાય છે. મેટલ પર અસલી ચાંદીનો સિક્કો પડવાથી ભારે અવાજ, જ્યારે નકલી સિક્કો લોખંડની જેમ ખખડે છે.
હૉલમાર્ક
હૉલમાર્કથી અસલી સોનું ઓળખવાનું સૌથી સહેલુ છે. ભારતમાં BIS સંસ્થા ગ્રાહકોને અપાતા ઘરેણાના ગુણવત્તાના સ્તરની તપાસ કરે છે. તેથી બીઆઈએસ હૉલમાર્ક સોનું ખરીદવાનો આગ્રહ રાખો. યાદ રાખી લો કે અસલી હૉલમાર્ક પર ભારતીય માન્ય બ્યૂરોના ત્રિકોણ નિશાન હોય છે. આ સાથે હોલમાર્કિગ સેન્ટર પર સોનાની શુદ્ધતા પણ લખેલી હોય છે.
એસિડ ટેસ્ટ
જો તમે જાતે અસલી સોના અંગે જાણવા ઈચ્છતા હોય તો તમે પિનથી સોના પર સ્કેચ કરો અને પછી તે સ્ક્રેચ પર નાઈટ્રિક એસિડનું એક ટીપુ નાખો. નકલી સોનું તાત્કાલિક ગ્રીન થઈ જશે, જ્યારે અસલી સોના પર કોઈ પ્રભાવ પડશે નહીં.