મહિલાઓ સુંદર દેખાવા અને બેદાગ ચહેરો મેળવવા માટે અનેક પ્રકારના મોંઘા અને બ્રાન્ડેડ બ્યૂટી પ્રોડક્ટ્સનો ઉપયોગ કરે છે. પણ તેનાથી સ્કિનને ખરાબ અસર થાય છે. ચાલો જાણીએ તેના વિશે.
સ્કિન માટે નુકસાનકારક છે બ્યૂટી પ્રોડક્ટ્સ
સ્કિનમાં આવી સમસ્યાઓ થાય તો ધ્યાન આપજો
મહિલાઓએ ચહેરો સુંદર રાખવા આટલું ધ્યાન રાખવું
તે એવું વિચારે છે કે આવી પ્રોડક્ટ્સનો વધુ ઉપયોગ કરવાથી સ્કિન લાંબો સમય સુધી યુવાન અને હેલ્ધી રહેશેય પણ એવું નથી. તમે ગમે એટલા મોંઘા પ્રોડક્ટ્સનો ઉપયોગ કરો, તેનાથી સ્કિનને તો નુકસાન જ થવાનું છે અને આગળ જતાં ખીલ, કાળા ડાઘ, ડાર્ક સર્કલ, કરચલીઓ જેવી સમસ્યા વધે છે. જેથી આજે જાણી લો વધુ પ્રમાણમાં મોંઘા અને બ્રાન્ડેડ બ્યૂટી પ્રોડક્ટ્સ ઉપયોગ કરવાથી થતાં નુકસાન.
સ્કિન ડ્રાય બને છે
ઘણાં સ્કિન કેઅર પ્રોડક્ટ્સમાં વધુ પ્રમાણમાં કેમિકલ્સ હોય છે. તેના વધુ ઉપયોગથી સ્કિનનું નેચરલ ઓઈલ ખતમ થઈ જાય છે જેના કારણે ચહેરો ડ્રાય રહેવા લાગે છે. તેમાં રહેલાં રેટિનોલ અને હાઈડ્રોક્સી એસિડ સ્કિનને શુષ્ક બનાવે છે.
રેશિઝ થાય છે
સ્કિન કેઅર પ્રોડક્ટ્સનો વધુ ઉપયોગ કરવાથી સ્કિન પર લાલ ચકામા થલા લાગે છે. જેના કારણે ચહેરા પર ખુજલી પણ આવે છે અને રેશિઝ થઈ જાય છે.
સ્કિનમાં બળતરા
સ્કિનને એક્સફોલિએટ કરવા માટે માર્કેટમાં અનેક જાતના સ્ક્રબ અને પ્રોડક્ટ્સ મળે છે. જેના ભરપૂર પ્રમાણમાં કેમિકલ્સ નાખવામાં આવે છે, જેના કારણે ઘણાં લોકોને ચહેરા પર સોજો અને બળતરાની સમસ્યા થવા લાગે છે.
ખીલ થવા
હોર્મોનલ ચેન્જિસને કારણે સ્કિન પર ખીલની સમસ્યા વધવા લાગે છે. આ સિવાય હદથી વધારે બ્યૂટી પ્રોડક્ટ્સનો ઉપયોગ પણ સ્કિનમાં સમસ્યા પેદા કરે છે. તેમાં રહેલાં રેટિનોલ અેન એસિડ સ્કિન સંબંધી સમસ્યા વધારે છે.
સ્કિનનું ટેક્સચર ખરાબ થાય છે
સ્કિનનું ટેક્સચર સુધારવા માટે મોંઘા પ્રોડક્ટ્સનો ઉપયોગ કરવા છતાં તેનાથી ફાયદો થતો નથી અને સ્કિનનું ટેક્સચર ખરાબ થવા લાગે છે. આનાથી સ્કિનની સમસ્યાઓ પણ વધી જાય છે.
સ્કિન ઓઈલી બને છે
વધુ બ્યૂટી પ્રોડક્ટ્સનો ઉપયોગ કરવાથી સ્કિનના મોઈશ્ચર લેવલ પર અસર થાય છે. જેના કારણે ચહેરો એકદમ ઓઈલી લાગે છે. ઓઈલી સ્કિનથી પરેશાન થઈને લોકો અન્ય વધુ પ્રોડક્ટ્સનો ઉપયોગ કરવા લાગે છે અને તેનાથી સ્કિન ખરાબ થવા લાગે છે અને ડ્રાય થવા લાગે છે.