ઓર્ગેનાઇઝેશન ફોર ઇકોનોમિક કોર્પોરેશન એન્ડ ડેવલપમેન્ટના તાજેતરના રિસર્ચમાં સામે આવ્યું છે કે સ્લોવેનિયાનાે સાક્ષરતાદર યુરોપના બીજા દેશોની સરખામણીમાં સરેરાશ કરતાં ઓછાે છે. અહીં રહેતી ચાર વ્યક્તિમાંથી એક વ્યક્તિને પોતાની ભાષા વાંચવામાં પણ પ્રોબ્લેમ થાય છે. ત્યારે યુરોપના સ્લોવેનિયા (Slovenia) માં દૂધ (Milk) નાં પેકેટ પર વાર્તાઓ છાપવામાં આવી રહી છે.
સ્લોવેનિયાઃ યુરોપના સ્લોવેનિયા (Slovenia) માં દૂધ (Milk) નાં પેકેટ પર વાર્તાઓ છાપવામાં આવી રહી છે. તેનો હેતુ ઘટતા જતા સાક્ષરતા દર (literacy rate) ને વધારવાની સાથે બાળકોને પુસ્તક વાંચવા પ્રેરિત કરવાનો પણ છે તેમજ તેમનામાં સકારાત્મક વિચારોને પ્રોત્સાહન આપવાની ઇચ્છા છે. આ એ વાર્તાઓ છે, જે માતા-પિતા બાળકોને સૂતાં પહેલાં સંભળાવતાં હતાં. આ પહેલની શરૂઆત યુરોપની માર્કેટિંગ એજન્સી ફ્યુચરા ડીડીવી લ્યુબલ્યાના અને રિટેલર કંપની પાર સ્લોવેનિયાએ મળીને કરી છે.
ઓર્ગેનાઇઝેશન ફોર ઇકોનોમિક કોર્પોરેશન એન્ડ ડેવલપમેન્ટના તાજેતરના રિસર્ચમાં સામે આવ્યું છે કે સ્લોવેનિયાનાે સાક્ષરતાદર યુરોપના બીજા દેશોની સરખામણીમાં સરેરાશ કરતાં ઓછાે છે. અહીં રહેતી ચાર વ્યક્તિમાંથી એક વ્યક્તિને પોતાની ભાષા વાંચવામાં પણ પ્રોબ્લેમ થાય છે. તેને ધ્યાનમાં રાખીને આ પહેલ કરાઇ છે. આશા રાખવામાં આવી છે કે આ કારણે લોકોની ભાષામાં સુધારો આવશે અને સાક્ષરતાનો દર વધશે.
લેખક બોસ્જન ગોરેંક દૂધનાં પેકેટ પર છપાનારી આ વાર્તાઓ લખી રહ્યા છે, તેમાંથી કેટલીક સ્ટોરી માતા-પિતા માટે પણ લખાઇ રહી છે, જેથી તેઓ પણ સૂતાં પહેલાં પોતાની વાંચવાની આદતને ફરી વખત સુધારી શકે, સાથે-સાથે તે સ્ટોરી બાળકોને પણ કહી શકે. રાત્રે બાળકો અને માતા-પિતાની ફોન તેમજ ટેબ્લેટ ચલાવવાની આદત પર પણ પૂર્ણવિરામ મુકાશે. દૂધનાં પેકેટ પર છપાનારી આ સ્ટોરીઓ 'ધ મિલ્ક બુક્સ'ના નામથી મશહૂર થઇ રહી છે. આ પહેલ ઘરમાં પુસ્તક વાંચવાની આદતને પુનર્જીવિત કરી રહી છે અને ખુશીઓ લાવી રહી છે. કંપનીનું કહેવું છે કે નેશનલ મિનિસ્ટ્રી ઓફ એજ્યુકેશન સાથે મળીને એક વધુ અભિયાન જલદી શરૂ કરાશે. સ્કૂલની લાઇબ્રેરીને આર્થિક મદદ કરાશે, જેથી વાંચવાની આદતને પ્રોત્સાહન મળી શકે.