રાજકોટ / ટોલ ટેક્સ ન ભરવો પડે તે માટે જયેશ રાદડિયાના બનાવટી કાર્ડ કર્યો ઉપયોગ

• ટોલ ટેક્સ ન ભરવા લોકોના અવનવા કિમિયા
• મંત્રી તથા પોલીસ સ્ટાફના નામે કાર્ડનો કરાઇ રહ્યો છે ઉપયોગ

ભારત સરકાર દ્વારા લોકોને સારા રોડની સુવિધા આપવા માટે મોટી યોજનાઑ બનાવતી હોય છે, સાથે આ ખર્ચાને પહોંચી વળવા માટે રોડ બનાવીને ટોલ ટેક્સ ઉઘરાવીને રોડના પ્રોજેક્ટની કિંમત વસૂલવામાં આવે છે, દેશભરના ટોલ નાકા ઉપર ટોલ ટેક્સના સ્વરૂપે 30 રૂપિયાથી લઈને 150 રૂપિયા કે તેનાથી પણ વધારે હોય છે. આવા ટોલ નાકા ઉપરથી પસાર થતાં લોકો આવો ટોલ ટેક્સ ના ભરવો પડે તેના માટે અવનવી પ્રયુક્તિ ઑ કરતા હોય છે. 

ટોલ ટેક્સ ન ભરવા માટે સરકારી કર્મીઓના કાર્ડનો કરાઇ રહ્યો છે ઉપયોગ

ત્યારે રાજકોટ જિલ્લાના ભરૂડી અને પીઠડીયાના ટોલ નાકા ઉપર લોકોએ ટોલ ટેક્સ ના ભરવો પડે તે માટે સરકારી કર્મચારીઑના ID કાર્ડનો ઉપયોગ કરી રહ્યા છે. બંને ટોલ નાકા ઉપર જયારે ટોલની આવક ઘટતી દેખાય ત્યારે ટોલ નાકાના અધિકારીઑ દ્વારા આ બાબતે તપાસ કરતાં સમગ્ર કાંડ સામે આવ્યો. લોકોએ ટોલ ટેક્સ ના ભરવો પડે અને એક રીતે ટોલ ટેક્સની ચોરી કરવા માટે બનાવટી આઈડી કાર્ડનો ઉપયોગ  કરતાં જોવા મળ્યા હતા. 

એક દિવસની અંદર ઝડપાયા 1000 બનાવટી કાર્ડ

ઉપયોગ થઈ રહેલા મોટા ભાગના બનાવટી કાર્ડમાં પોલીસ વિભાગના કર્મચારીઑ અને અધિકારીઑના કાર્ડ સામે આવ્યા હતા, જેમાં કોન્સ્ટેબલથી લઈને જિલ્લા પોલીસ વડા સુધીના અધિકારીઑના બનાવટી કાર્ડ પકડી પાડીને કબ્જે કરવામાં આવેલ હતા. રાજકોટના આ બંને ટોલ નાકા ઉપરથી એક જ દિવસની અંદર 1000 જેટલા લોકો બનાવટી કાર્ડ બતાવીને ટોલ ટેક્સની ચોરી કરી રહેલ જોવા મળ્યા હતા. જોવા જઈ એ તો પકડાઈ રહેલા બનાવટી આઈડી કાર્ડના હિસાબે રોજ ટોલ નાકા ઉપર 40 થી 45 હજારના ટોલ ટેક્સની ચોરી અને વાર્ષિક 1 કરોડ 50 લાખની ચોરી થઈ રહી છે.

જયેશ રાદડિયાના બનાવટી કાર્ડનો કરાયો ઉપયોગ

લોકો માત્ર 40 રૂપિયા નો ટોલ બચાવવા માટે કોઈ પણ ના બનાવટી આઈડી કાર્ડ બનાવીને ઉપયોગ કરતા જોવા મળ્યા હતા, જેમાં માત્ર 40 રૂપિયાનો ટોલ ટેક્સ બચાવવા કે ટોલ ટોલ ટેક્સ ટી ચોરી કરવા માટે ગુજરાતના કેબિનેટ મિનિસ્ટર જયેશ રાદડિયાના પણ બનાવટી કાર્ડ જોવા મળ્યા હતા ને બનાવટી કાર્ડ બતાવીને ટોલ ટેક્સની ચોરી કરતાં જોવો મળ્યા હતા, સાથે જૂનાગઢના સાંસદ રાજેશ ચુડાસમાના પણ કાર્ડ ઉપર પણ ટોલ ટેક્સની ચોરી કરતાં લોકો મળ્યા હતા. જ્યારે આ લોકોને આ બાબતે પૂછતાં તેવોને કાર્ડ કોણે આપ્યા તો કઈંક આવું જણાવતા જોવા મળ્યા હતા, સાંસદનું બનવટી કાર્ડ બતાવીને રોફ મારતો વાહન ચાલક અને પછી ઊભી પૂંછડિએ ભાગિયો હતો.

90 % કાર્ડ માત્ર પોલીસ સ્ટાફના જ ઝડપાયા 

ટોલ નાકા ઉપર પકડાઈ રહેલા બનાવટી કાર્ડમાં 90 % માત્ર પોલીસ સ્ટાફના જ પકડાયા હતા જેને લઈને ટોલ નાકાના અધિકારીઑ દ્વારા આ બાબતે રાજકોટના રેન્જ આઇજી અને જેતપુર ના ASP ને એક રજૂઆત કરેલ હતી, જેના પગલે પોલીસ દ્વારા પણ આગામી સમય માં આબાબતે કોઈ કડક પગલાં ભરાય તેવી શક્યતા છે.

દરેકે જગ્યા એ તમામ પ્રકારના ટેક્સ ની ચોરી થઈ રહી છે. જેમાં મોટા માથાથી લઈને આમ નાના પ્રજાજનો પણ સામેલ છે, જે જોતાં સરકારે ટેક્સના મલકહાને સરળ બનાવીને આમ પ્રજાને પરવડે તે રીતે યોગ્ય કરે તે જરૂરી છે.