ટિપ્સ / ગુણોની ખાણ છે ચપટી સંચળઃ આ રીતે ઉપયોગ કરવાથી વજન રહેશે કંટ્રોલમાં અને વધશે વાળનો ગ્રોથ

દરેક ગુજરાતી ઘરમાં સંચળ તો હોય જ. આ સંચળમાં મુખ્યત્વે સોડિયમ ક્લોરાઇડ હોય છે. એ સિવાય તેમાં સોડિયમ સલ્ફેટ, આયર્ન સલ્ફાઇ, હાઇડ્રોજન સલ્ફાઇડ વગેરેની થોડી માત્રા પણ હોય છે. સોડિયમ ક્લોરાઇડને કારણે જ તેનો સ્વાદ નમકીન બને છે. આયર્ન સલ્ફાઇડને કારણે તેનો રંગ ઘેરો બને છે અને તમામ સલ્ફર ક્ષાર તેના વિશિષ્ટ સ્વાદ અને ગંધ માટે જવાબદાર છે. મોટાભાગે સંચળને લોકો ચટણી, દહીં, અથાણા અને સલાડ સાથે ખાય છે. આયુર્વેદમાં તેને ઠંડક આપનારું માનવામાં આવે છે. તો જાણો કઈ રીતે તેનો ઉપયોગ લાભ આપે છે.