ઉનાળામાં વીજળીનું બિલ વધારે આવે છે. પરંતુ આ 3 ટ્રિક્સથી તમે તમારું વીજળીનું બિલ અડધું કરી શકો છો.
ઉનાળામાં વધારે આવે છે વીજળીનું બિલ
આ ટ્રિકથી અડધુ થઈ જશે બીલ
જાણો કઈ રીતે
કાળઝાળ ગરમીથી લોકો પરેશાન છે. તાપમાનમાં વધારો થતાં ઘરોમાં પંખા, કુલર અને એસી ચાલુ થઈ ગયા છે. આ ઉપકરણોની મદદથી ગરમીમાં તો રાહત મળે છે, પરંતુ વીજળીનું બિલ ખિસ્સા પર ભારે પડે છે. આવી સ્થિતિમાં અમે તમને બિલ ઘટાડવાના કેટલાક ઉપાયો જણાવવા જઈ રહ્યા છીએ. જેનો ઉપયોગ કરીને તમે થોડી રાહત મેળવી શકો છો. આ ઉપાયોથી ગરમીથી તો રાહત મળશે પરંતુ વીજળીના બિલને પણ કંટ્રોલ કરી શકાશે. આવો જાણીએ...
પંખામાં માત્ર ઈલેક્ટ્રોનિક રેગ્યુલેટરનો જ ઉપયોગ કરો
ઉનાળામાં પંખા ફૂલ સ્પીડ પર ચાલે છે. આવી સ્થિતિમાં સમયાંતરે ફેનની સર્વિસિંગ કરતા રહો. પંખામાં માત્ર ઈલેક્ટ્રોનિક રેગ્યુલેટરનો ઉપયોગ કરો. જો કન્ડેન્સર અને બોલ બેરિંગ ખરાબ થઈ ગયા હોય તો તેને તરત જ બદલો.
કૂલરના પંખા અને પંપનું ઓઇલિંગ-ગ્રીસિંગ કરો
ભારતમાં મોટાભાગના ઘરોમાં કુલરનો વધુ ઉપયોગ થાય છે. કૂલરના પંખા અને પંપને ઓઇલિંગ-ગ્રીસિંગ કરવું જરૂરી છે. વધારે પંપ ચાલવાના કારણે પંપ વધુ પાવર ખેંચે છે તેથી સમયાંતરે ઓઈલિંગ કરતા રહો. કૂલર પંખાના કન્ડેન્સર અને રેગ્યુલેટરને પણ ચેક કરતા રહો. ઈલેક્ટ્રોનિક રેગ્યુલેટરથી વીજળી પણ ઓછી ખર્ચ થશે.
ACને 24 થી 26 ડિગ્રી વચ્ચે સેટ કરો
કલાકો સુધી AC ચલાવવાથી વધુ વીજળીનો વપરાશ થાય છે. એસી ચલાવવાની સાથે સાથે પંખો પણ ચાલુ રાખો. ACનું તાપમાન 24 થી 26 ડિગ્રી વચ્ચે સેટ કરો. દર 10 થી 15 દિવસે એર ફિલ્ટરને સારી રીતે ધોઈને સાફ કરો. ફિલ્ટરમાં ધૂળ જમા થવાથી સંપૂર્ણ ઠંડક મળતી નથી અને AC લાંબા સમય સુધી ચાલુ રહે છે. યાદ રાખો કે જ્યારે AC ચાલતું હોય ત્યારે બારી-બારણા બંધ રાખવા, નહીંતર ACની ઠંડી હવા બહાર જશે અને રૂમ ઠંડો થઈ શકશે નહીં. જેથી AC પાવરનો કટઓફ નહીં થાય અને તે ચાલતું જ રહેશે.