શું વાત છે ! / અમેરિકાની અડધી ક્રિકેટ ટીમ ભારતીયોથી ભરેલી, એમાંય કેપ્ટન ગુજરાતનો

• અમેરિકાએ પહેલી ટી-20 આંતરરાષ્ટ્રીય મેચમાં આયરલેન્ડને 26 રનથી હરાવ્યું
• અમેરિકાએ છ વિકેટ ગુમાવી 188 રન બનાવ્યાં
• જવાબમાં આયરલેન્ડે 6 વિકેટ ગુમાવી 162 રન જ બનાવ્યાં

ડાબોડી બેટ્સમેન ગજાનંદને સુશાંત મોદાનીનો સારો સાથ મળ્યો

આયરલેન્ડના બેરી મેકાર્થીએ 30 રન આપીને ચાર વિકેટ લઇને ઘાતક બોલિંગ દ્વારા અમેરિકાની 16 રનની અંદર 4 વિકેટ ગુમાવી દીધી. એવામાં પોતાની 5મી ટી-20 આંતરરાષ્ટ્રીય મેચ રમી રહેલા 34 વર્ષીય ગજાનંદે પાંચ છગ્ગા અને ત્રણ ચોગ્ગા ફટકારી ધુંઆધાર ઈનિંગ રમી. ડાબોડી બેટ્સમેન ગજાનંદને પોતાની પ્રથમ ટી-20 આંતરરાષ્ટ્રીય મેચ રમી રહેલા સુશાંત મોદાનીને સારો સાથ મળ્યો. જેણે 39 બોલમાં 50 રન બનાવ્યાં. આ બંનેએ પાંચમી વિકેટ માટે 110 રનની ભાગીદારી કરી. ન્યુઝીલેન્ડમાં જન્મેલા માર્ટી કેને પણ પોતાની ડેબ્યુ મેચમાં 15 બોલમાં અણનમ 39 રનની તોફાની ઈનિંગ રમી. જેનાથી અમેરિકાએ છ વિકેટે 188 રન બનાવ્યાં. જેના જવાબમાં આયરલેન્ડે 6 વિકેટ ગુમાવી 162 રન જ બનાવ્યાં.

 

 

 

 

View this post on Instagram

 

 

 

 

 

 

 

 

 

 

 

A post shared by Gajanand Singh (@gajanandsingh346)

આયરલેન્ડના કેપ્ટન પણ થયા આઉટ

આયરલેન્ડના કેપ્ટન એન્ડી બાલબિર્ની બીજી ઓવરમાં આઉટ થઇ ગયા. બીજા બેટ્સમેન પૉલ સ્ટર્લિગે 15 બોલમાં 31 રન બનાવ્યાં. પરંતુ તેઓ પણ પોતાની લાંબી ઈનિંગ રમી શક્યા નહોતા. ત્રીજા ક્રમે આવેલા લોરકોન ટકરે આયરલેન્ડ તરફથી નોટઆઉટ રહીને સૌથી વધુ 57 રન બનાવ્યાં. આયરલેન્ડ તરફથી સૌરભ નેત્રવલકર, અહસાન અલી ખાન અને નિર્સગ પટેલે બે-બે વિકેટ લીધી. 

અમેરિકન ટીમ ભારતીય લોકોથી ભરપૂર 

ભારતીય મૂળના અમેરિકન ક્રિકેટર મોનાંક પટેલ અત્યારે ટીમની કેપ્ટનશિપ સંભાળી રહ્યાં છે. તેમનો જન્મ ગુજરાતના આણંદમાં થયો છે. તો 50 રનની આકર્ષક ઈનિંગ રમનારા સુશાંત મોદાનીનો જન્મ મહારાષ્ટ્રના ઝાલનામાં થયો છે. 33 વર્ષના ઓલરાઉન્ડર નિર્સગ પટેલ ગુજરાતના અમદાવાદમાં જન્મ્યા હતા.