આયરલેન્ડના કેપ્ટન એન્ડી બાલબિર્ની બીજી ઓવરમાં આઉટ થઇ ગયા. બીજા બેટ્સમેન પૉલ સ્ટર્લિગે 15 બોલમાં 31 રન બનાવ્યાં. પરંતુ તેઓ પણ પોતાની લાંબી ઈનિંગ રમી શક્યા નહોતા. ત્રીજા ક્રમે આવેલા લોરકોન ટકરે આયરલેન્ડ તરફથી નોટઆઉટ રહીને સૌથી વધુ 57 રન બનાવ્યાં. આયરલેન્ડ તરફથી સૌરભ નેત્રવલકર, અહસાન અલી ખાન અને નિર્સગ પટેલે બે-બે વિકેટ લીધી.
અમેરિકન ટીમ ભારતીય લોકોથી ભરપૂર
ભારતીય મૂળના અમેરિકન ક્રિકેટર મોનાંક પટેલ અત્યારે ટીમની કેપ્ટનશિપ સંભાળી રહ્યાં છે. તેમનો જન્મ ગુજરાતના આણંદમાં થયો છે. તો 50 રનની આકર્ષક ઈનિંગ રમનારા સુશાંત મોદાનીનો જન્મ મહારાષ્ટ્રના ઝાલનામાં થયો છે. 33 વર્ષના ઓલરાઉન્ડર નિર્સગ પટેલ ગુજરાતના અમદાવાદમાં જન્મ્યા હતા.