નિવેદન / ભારતનો ઉપકાર ચૂકવશે અમેરિકા, બાયડને કહ્યું જેમ અમારી કરી હતી મદદ, તેમ અમે પણ કરીશું આ કામ

• અમેરિકન રાષ્ટ્રપતિ જો બાયડને ટ્વીટ કરી ભારતને મદદ કરવાની વાત કહી
• અમેરિકા આ ​​મુશ્કેલ સમયમાં ભારતના લોકોની સાથે ઊભું છે - જેક સલિવન
• સીરમના સીઈઓએ કરી હતી વિનંતી

ભારતમાં કોરોનાએ કહેર વર્તાવ્યો છે. તેવામાં ચીન અને પાકિસ્તાને પણ મદદ માટે હાથ લંબાવ્યો છે. પરંતુ અમેરિકાએ અત્યાર સુધી ચૂપ્પી સાધી હતી. ત્યારે હવે જ્યારે વાયરસ અમેરિકામાં કહેર વર્તાવી રહ્યો હતો તો ભારતે જ દવા મોકલી મદદ કરી હતી. પરંતુ ટીકા બાદ અમેરિકાએ નિર્ણય કર્યો કે તે ભારતનું અહેસાન ચૂકવશે. હવે પોતે અમેરિકન રાષ્ટ્રપતિ જો બાયડને કહ્યુ કે જે રીતે ભારતે સમસ્યાના સમયે તેમના દેશની મદદ કરી હતી તેમ અમે ભારતને મદદ કરીશુ.

અમેરિકન રાષ્ટ્રપતિ જો બાયડને ટ્વીટ કરી ભારતને મદદ કરવાની વાત કહી

અમેરિકન રાષ્ટ્રપતિ જો બાયડને ટ્વીટ કરી કે મહામારીની શરુઆતમાં જેમ અમારી હોસ્પિટલો ભરાઈ જવાના સમયે ભારતમાંથી મદદ મોકલવામાં આવી હતી તેમ અમે તેમની જરૂરીયાતના સમયે મદદ કરવા પ્રતિબદ્ધ છીએ.

Just as India sent assistance to the United States as our hospitals were strained early in the pandemic, we are determined to help India in its time of need. https://t.co/SzWRj0eP3y

— President Biden (@POTUS) April 25, 2021

અમેરિકા આ ​​મુશ્કેલ સમયમાં ભારતના લોકોની સાથે ઊભું છે - જેક સલિવન

અમેરિકાના રાષ્ટ્રીય સુરક્ષા સલાહકાર જેક સલિવને રવિવારે ટ્વીટ કરીને કહ્યું હતું કે, તેમણે ભારતમાં કોવિડ -19 ના વધતા જતા કેસો વિશે રાષ્ટ્રીય સુરક્ષા સલાહકાર અજિત ડોવાલ સાથે વાત કરી હતી. અમે સહમત થયા છે કે આગામી દિવસોમાં અમારી વધુ વાટાઘાટો થશે. તેમણે કહ્યું કે અમેરિકા આ ​​મુશ્કેલ સમયમાં ભારતના લોકોની સાથે ઊભું છે અને અમે વધુને વધુ પુરવઠો અને સંસાધનો ગોઠવી રહ્યા છીએ.

શું કહ્યુ અમેરિકાએ?

વ્હાઈટ હાઉસ તરફથી જારી નિવેદન અનુસાર અમેરિકાએ કોવિશીલ્ડ રસીના ભારતીય નિર્માણ માટે જરુરી કાચા માલની ઓળખ કરી છે. જે તાત્કાલીક ભારત માટે ઉપલબ્ધ કરાવવામાં આવશે. ભારતના ફ્રન્ટલાઈન હેલ્થવર્કર્સને બચાવવા અને કોરોનાના દર્દીઓની સારવાર માટે જરુરી વેન્ટિલેટર્સ, પીપીઈ કિટ્સ, રેપિડ ડાયગનોસ્ટિક ટેસ્ટ કિટ્સ વગેરે પણ તાત્કાલિક પુરી પાડવામાં આવશે. સાથે અમેરિકા ભારતના તાત્કાલિક ઓક્સિજન જનરેશન અને તેમની સાથે જોડાયેલી સપ્લાય આપવા માટે વિકલ્પો પર કામ કરી રહ્યા છે.

સીરમના સીઈઓએ કરી હતી વિનંતી

ઉલ્લેખનીય છે કે સીરમ ઈન્સ્ટીટ્યૂટ ઓફ ઈન્ડિયાના સીઈઓ અદાર પૂનાવાલાએ શુક્રવારે અમેરિકન રાષ્ટ્રપતિ જો બાયડને અરજ કરી હતી કે અમેરિકા રસીના કાચા માલ પર લાગૂ વ્યાપારિક પ્રતિબંધોને હટાવે. અદાર પૂનાવાલાએ એક ટ્વીટ કરતા કહ્યુ હતુ કે આદરણીય રાષ્ટ્રપતિ, જો અમે અમેરિકાની બહાર રસી ઈન્ડસ્ટ્રી તરફથી આ વાયરસને ખતમ કરવા માટે હકિકતમાં એક જૂથ છીએ તો હું તમને વિનમ્રતાપૂર્વક અમેરિકાની બહાર કાચામાલની નિકાસ પર પ્રતિબંધ હટાવવાના વિનંતી કરીએ છીએ. આનાથી રસીનું ઉત્પાદન વધી શકે છે. તમારા પ્રશાસનની પાસે ડિટેલ્સ છે.