ઝટકો / ટ્રમ્પે કર્યા આ આદેશ પર હસ્તાક્ષર, અમેરિકામાં આ ભારતીયોને નોકરી નહીં મળે કેમ કે...

• અમારો સીધો નિયમ છે અમેરિકનોને રાખો
•  ટ્રમ્પે સોમવારે એચ-1બી વિઝાને લઈને એક કાર્યકારી આદેશ પર હસ્તાક્ષર કર્યા
•  ટ્રમ્પે એચ-1 બી વિઝા ધારકોને મોટો ઝટકો આપ્યો

અમેરિકાના શ્રમ મંત્રીએ આ નિર્ણયને લઈને એચ 1બીના નામ પર છેતરપિંડી રોકવા અને અમિરકનોના હિતની રક્ષા કરવા માટે આ પગલા ભરવામાં આવ્યા છે. ચુંટણી સમયે ટ્રમ્પના આ પગલા અમેરિકન શ્રમિકો માટે મદદરુપ માનવામાં આવી રહ્યા છે. પરંતુ એ લોકોની આશા પર પાણી ફરી વળ્યું છે જેઓ એચ1બી વિઝા પર અમેરિકામાં નોકરી મેળવવાની ઈચ્છા ધરાવી રહ્યા હતા.

ઉલ્લેખનીય છે કે દોઢ મહિના પહેલા એચ-1 બી વિઝાને રોકવા માટેનું એલાન કર્યુ હતુ. ટ્રમ્પે કોરોનામાં નોકરી ગુમાવનારા અમેરિકનોના હિતનો વિચાર કરી આ નિર્ણય લીધો છે.

બીજી તરફ અમેરિકન રાષ્ટ્રપતિ ડોનાલ્ડ ટ્રમ્પે સાથે ચીની એપ ટિકટોકને લઈને કડક વલણ દાખવ્યું છે. તેમણે સ્પષ્ટ શબ્દોમાં કહ્યું છે કે 15 ઓગસ્ટ સુધી તેઓ પોતાના બિઝનેશ કાં તો વેચી દે કાં તો બંધ કરી દે. જો ડીલ નહીં થાય તો તેઓ ટિકટોક બંધ કરી દેશે.