અર્થતંત્ર / અમેરિકામાં બીજા વિશ્વયુદ્ધ પછીની સૌથી મોટી સમસ્યાના એંધાણ; નિષ્ણાતોએ વ્યક્ત કરી ચિંતા

કોરોના વાયરસ મહામારીને કારણે અમેરિકાનો GDP 2020 માં 5.9 ટકા જેટલો ઘટી શકે છે

સોમવારે જાહેર કરવામાં આવેલા નેશનલ એસોસિએશન ફોર બિઝનેસ ઇકોનોમિક્સ (NABE) દ્વારા આ સંદર્ભે હાથ ધરવામાં આવેલા સર્વેના પરિણામોમાં એવી આશંકા છે કે કોરોના વાયરસ મહામારીને કારણે અમેરિકાનો GDP 2020 માં 5.9 ટકા જેટલો ઘટી શકે છે. અર્થશાસ્ત્રીઓએ આશંકા વ્યક્ત કરી છે કે કોરોનાને કારણે USAને છેલ્લા સાત દાયકામાં સૌથી ખરાબ મંદીનો સામનો કરવો પડી શકે તેમ છે. એટલું જ નહીં, એવી આશંકા છે કે કોરોના વાયરસનો રોગચાળો પાછો પણ આવી શકે છે, જે અર્થવ્યવસ્થા માટે મોટું સંકટ લાવી શકે છે. 

આ પહેલા બીજા વિશ્વયુદ્ધને કારણે અમેરિકાના GDPમાં 11.6 ટકાનો ઘટાડો થયો હતો

સર્વેમાં કહેવામાં આવ્યું છે કે આ ઘટાડો 1946 પછીનો સૌથી વધુ હશે. આ પહેલા બીજા વિશ્વયુદ્ધને કારણે અમેરિકાના GDPમાં 11.6 ટકાનો ઘટાડો થયો હતો. NABEના 48 નિષ્ણાતોની ટીમે આગાહી કરી છે કે જાન્યુઆરી-માર્ચ ક્વાર્ટરમાં USAનો GDP 5 ટકાનો ઘટશે, જ્યારે એપ્રિલ-જૂન ક્વાર્ટરમાં, આ ઘટાડો રેકોર્ડ 33.5 ટકા રહેશે.

વૃદ્ધિ દર 2020 ના બીજા ભાગમાં વધુ સારો રહેશે

જો કે, નિષ્ણાતો કહે છે કે વૃદ્ધિ દર 2020 ના બીજા ભાગમાં વધુ સારો રહેશે અને જુલાઈ-સપ્ટેમ્બર ક્વાર્ટરમાં તે 9.1 ટકા અને ઓક્ટોબર-ડિસેમ્બર ક્વાર્ટરમાં 6.8 ટકા રહેવાની ધારણા છે. આ અર્થશાસ્ત્રીઓનો અંદાજ છે કે 2021માં અમેરિકાનો વિકાસ દર 3.6 ટકા રહેશે. જો કે, ટ્રમ્પ વહીવટીતંત્ર દ્વારા અર્થવ્યવસ્થાને પુનર્જીવિત કરવા માટે સતત પગલા લેવામાં આવી રહ્યા છે.