કોરોના વાયરસ / ચીન પર આરોપ મુદ્દે WHOએ અમેરિકાને પૂછ્યો એવો સવાલ કે બોલતી થઈ બંધ?

• અમેરિકાએ અત્યાર સુધી લેબમાં જ વાયરસ બન્યો હોવાના કોઈ પૂરાવા આપ્યા નથી 
• WHO વાયરસ પ્રાકૃતિક હોવાની વાત પર અડગ 
• અમેરિકા પાસે પૂરાવા હોય તો સાર્વજનિક કેમ નથી કરી રહ્યું ? 

વારંવાર ચીન પર લાગ્યા આરોપ 

અમેરિકામાં કોરોના વાયરસના કારણે દયનીય પરિસ્થિતિ છે. દરરોજ કેટલાય લોકો પોતાના જીવ ગુમાવી રહ્યા છે ત્યારે અમેરિકાની સરકાર દ્વારા ચીન પર કોરોના વાયરસ ફેલાવવા મુદ્દે આક્ષેપો કરવામાં આવ્યા હતા. અમેરિકાનાં રાષ્ટ્રપતિએ પણ  દાવો કર્યો હતો કે તેમની પાસે ઠોસ પૂરાવા છે. ઘણા અહેવાલોમાં દાવો કરવામાં આવ્યો કે ચીનની એક લેબમાંથી જ આ વાયરસ ફેલાવવામાં આવ્યો છે. 

અમેરિકાએ પૂરાવા નથી આપ્યા 

ચીન પર લગાવવામાં આવેલ આરોપો પર WHO મેદાનમાં આવી ગયું છે. યુએન હેલ્થ એજેન્સીઓનું કહેવું છે કે અમેરિકાએ વાયરસ વુહાનની લેબમાં જ બન્યું છે તેના કોઈ પૂરાવા આપ્યા નથી. WHOના ઈમરજન્સી ચીફ ડૉ. માઈકલ રેયાને કહ્યું કે 'અમારા હિસાબથી આ માત્ર એક વાર્તા છે.' જ્યારે ડૉ. રેયાને કહ્યું કે 'જો અમેરિકાની સરકાર પાસે આટલા પૂરાવાઓ હોય કે ચીનની લેબમાં જ વાયરસ બન્યો છે તો સરકારે તે ડેટા શેર કરવાની તારીખ નક્કી કરવી જોઈએ. 

WHO તો હજુ પણ વાયરસને પ્રાકૃતિક જ માને છે 

ડૉ. રેયાન મુજબ WHO હજુ પણ વાયરસને પ્રાકૃતિક રીતે ઉત્પન્ન થયેલ વાયરસ જ માને છે અને વુહાનની લેબમાં વાયરસ બન્યો છે તેવો દાવો કરનારાઓએ હજુ કોઈ પૂરાવા આપ્યા નથી. નોંધનીય છે કે અમેરિકાનાં વિદેશ મંત્રીએ એક ન્યૂઝ ચેનલ પર દાવો કર્યો હતો કે ચીનની લેબમાં જ વાયરસ બન્યો છે તેના પૂરાવા મળી આવ્યા છે જો કે મંત્રીએ તે પૂરાવા શું છે ક્યા છે તેની કોઈ જ જાણકારી આપી ન હતી. આ સિવાય ઘણા નિષ્ણાતો એ પણ દાવો કર્યો હતો કે વાયરસને તૈયાર કરવામાં આવ્યો છે.