બુસ્ટર ડોઝ / શિયાળામાં કોરોનાના કેસ વધતા વેક્સિનનો 3જો ડોઝ આપવાનો અમેરિકાનો મોટો નિર્ણય, ભારતમાં પણ બુસ્ટર ડોઝની માંગ

• કોરોનાને લઇને અમેરિકાનો મોટો નિર્ણય
• 18 વર્ષથી મોટી ઉંમરના લોકોને અપાશે ત્રીજો ડોઝ
• શિયાળામાં કોરોનાના કેસ વધવાની શક્યતાએ લેવાયો નિર્ણય

કોરોના મહામારીથી લોકોને બચાવવા માટે અમેરિકાએ મોટો નિર્ણય લીધો છે. શુક્રવારે અમેરિકાએ 18 વર્ષ અને તેનાથી વધુ ઉંમરના તમામ લોકો માટે કોવિડ વેક્સિનના બુસ્ટર ડોઝને મંજૂરી આપી દીધી છે. વેક્સિન નિર્માતા કંપની ફાઈઝર અને મૉડર્ના તરફથી જાહેર કરવામાં આવેલા સત્તાવાર નિવેદનમાં આની પુષ્ટિ કરવામાં આવી છે. મૉડર્નાના ceoએ કહ્યું કે, વેક્સિનના બૂસ્ટર ડોઝને ઇમરજન્સી ઉપયોગની માન્યતા મહત્વપૂર્ણ સમય પર મળી છે, કારણ કે શિયાળાના મહિના આવી રહ્યા છે તે સમયમાં દેશભરમાં કોરોનાના દર્દીઓની સંખ્યા વધી શકે છે. તો બીજી તરફ ભારતમાં પણ કોરોનાના બુસ્ટર ડોઝની માંગ કરવામાં આવી રહી છે.

#BREAKING US authorizes Covid boosters for all over 18s: Pfizer, Moderna pic.twitter.com/Ui6dLY4vVe

— AFP News Agency (@AFP) November 19, 2021

બુસ્ટોર ડોઝની જરૂરિયતને લઇને જલ્દીથી નિર્ણય કરે કેન્દ્ર સરકારઃ અશોક ગેહલોત

રાજસ્થાનના કેટલાક વિસ્તારોમાં કોરોના વાયરસના સંક્રમણ વધતા મુખ્યમંત્રી અશોક ગેહલોતે શુક્રવારે કહ્યું કે, કેન્દ્ર સરકારને કોરોના બચાવ રસીકરણ હેઠલ બુસ્ટર ડોઝ અંગે જલ્દીથી નિર્ણય લેવો જોઈએ. ગેહલોતે વધતા કોરોનાના કેસ અંગે ચિંતા વ્યક્ત કરી છે. તેમણે કહ્યું કે, બીજી લહેરના અનુભવો અને વાયરસની પ્રકૃતિ જોતા ફરીથી ટેસ્ટિંગ, ટ્રેકિંગ અને ટ્રેસિંગની રણનીતિને મજબૂતીથી લાગૂ કરવામાં આવે. 

ગેહલોતે વધુમાં કહ્યું કે, સંક્રમણને પ્રાથમિક સ્તરે રોકવા જરૂરી છે જેથી લોકોને ત્રીજી લહેરથી બચાવી શકાય. પીએમ મોદીને પત્ર લખીને કોવિડ રસીના બુસ્ટર ડોઝને મંજૂરી આપવાનો આગ્રહ કરવામાં આવશે.

ભારતમાં બુસ્ટર ડોઝની તૈયારી

તમામ યુરોપિયન દેશોની જેમ ભારતમાં પણ કોરોનાના બુસ્ટર ડોઝ આપવાની તૈયારી ચાલી રહી છે. તેને લઇને આગામી અઠવાડિયે વિશેષજ્ઞોની મોટી બેઠક થઇ શકે છે.

શિયાળામાં કોરોનાના કેસ વધવાની શક્યતાએ લેવાયો અમેરિકામાં લેવાયો મોટો નિર્ણય

અમેરિકન નિયમનકારોએ શુક્રવારે તમામ પુખ્ત વયના લોકો માટે કોવિડ-19 બુસ્ટર ડોઝનો માર્ગ મોકળો કર્યો, જેને લઇને કોરોના વાયરસના વધતા કેસને ધ્યાને રાખીને સુરક્ષા વધારવા માટે સરકારે અભિયાનને વિસ્તાર આપ્યો છે. ફાઇઝર અને મૉડર્નાએ ઓછામાં ઓછા 10 રાજ્યો દ્વારા તમામ પુખ્ત વયના લોકો માટે બુસ્ટરની ઑફર બાદ ફૂડ એન્ડ ડ્રગ એડમિનિસ્ટ્રેશને નિર્ણયની જાહેરાત કરી છે.

આ નિર્ણય બુસ્ટર ડોઝની યોગ્યતાને લઇને બનેલી ભ્રમની સ્થિતિમાં સુધારો લાવશે. જોકે, CDCએ સ્વસ્થ યુવાઓ માટે ફાઇઝર અને મૉડર્ના બુસ્ટર વિસ્તાર કરવા માટે સહમત થવું જોઈએ. આના વૈજ્ઞાનિક સલાહકાર શુક્રવાર બાદ ચર્ચા કરવા માટે તૈયાર હતા. જો CDC સહમત થાય છે, તો લાખો અમેરિકનોને નવા વર્ષ પહેલા સુરક્ષાના 3 ડોઝ મળી શકે છે. જે કોઈને પણ જૉનસન એન્ડ જૉન્સનનો એક ડોઝ મળ્યો છે, તેને પહેલાથી જ બુસ્ટર ડોઝ મળી શકે છે.

અમેરિકામાં ઉપયોગમાં લેવાતી કોવિડ-19 વેક્સિન હજુ પણ હોસ્પિટલમાં દાખલ થતા અને મોત સહિત ગંભીર બિમારીઓ વિરૂદ્ધ મજબુત સુરક્ષા આપે છે, પરંતુ સંક્રમણ સમયની સાથે ઓછી થઇ શકે છે. આ પહેલા, સરકારે ફાઇઝર અને બાયોએનટેકની રસીના બુસ્ટરની સાથોસાથ આ રીતે મૉડર્નાની રસીને માત્ર જૂના અમેરિકન અને જૂની સ્વાસ્થ્ય સમસ્યાઓ વાળા સહિત નબળા સમૂહો માટે મંજૂરી આપી દીધી હતી.

અમેરિકામાં છેલ્લા 2 અઠવાડિયામાં કોરોનાના કેસની ગતિ વધી

આ નિર્ણય ત્યારે લેવાયો છે જ્યારે કોરોનાના કેસ છેલ્લા 2 અઠવાડિયામાં વધી રહ્યા છે, ખાસ કરીને તે રાજ્યોમાં જ્યાં ઠંડીના હવામાનના કારણે લોકો ઘરે રહેવા મજબૂર છે. અમેરિકાના ઉચ્ચ સ્વાસ્થ્ય વિશેષજ્ઞ ડૉ. એન્થની ફાઉચીએ કહ્યું કે, હું અન્ય રસી અંગે નથી જાણતો અને અમે ઇચ્છીએ છીએ કે લોકોને હોસ્પિટલમાં દાખલ ન થવું પડે.