લ્યો બોલો ! / બીજાની ગર્લફ્રેન્ડ સાથે ફ્લર્ટ કરે છે આ શખ્સ, બોયફ્રેન્ડ સામેથી આપતા હતા આ કામ કરવા માટેના પૈસા

• અમેરિકામાં એક ગજબ મામલો સામે આવ્યો
• બોયફ્રેન્ડ જ ગર્લફ્રેન્ડ સાથે ફ્લર્ટ કરવાના અન્ય વ્યક્તિને આપે છે પૈસા
• આ શખ્સ 1 અઠવાડિયામાં આ કામ દ્વારા 1 લાખની નજીક કરે છે કમાણી

પહેલા ફ્રીમાં કર્યુ હતુ કામ

બોયફ્રેન્ડ પોતાની ગર્લફ્રેન્ડનો લૉયલ્ટી ટેસ્ટ કરાવવા માટે જેવિયર લોન્ગને હાયર કરે છે. ખાસ વાત એ છે કે 1 અઠવાડિયામાં જેવિયર આ કામથી 1 લાખની નજીક કમાઈ શકે છે. એક રિપોર્ટ મુજબ, પ્રારંભમાં જેવિયરે આ લૉયલ્ટી ટેસ્ટ ફ્રીમાં કર્યો હતો. ખરેખર, એક શખ્સે તેમને પોતાની ગર્લફ્રેન્ડ અંગે જાણકારી મેળવવા માટે સોશિયલ નેટવર્કિગ સાઈટ પર મેસેજ કર્યો. જેની મદદ કરવા માટે જેવિયરે ફ્રીમાં કામ કર્યુ. ત્યારબાદ જ્યારે તેનો વીડિયો વાયરલ થયો હતો ત્યારે તેમણે આ કામને બદલે પૈસા લેવાનું શરૂ કર્યુ. 

આ રીતે કરે છે લૉયલ્ટી ટેસ્ટ

જેવિયરે જણાવ્યું કે એવા ઘણા વ્યક્તિ છે, જે પોતાની રિલેશનશિપમાં અસુરક્ષિત અનુભવતા હોય છે અને તેમને લાગે છે કે તેની ગર્લફ્રેન્ડ તેને ક્યારેય વિશ્વાસઘાત ના આપે. એવા લોકો પોતાની ગર્લફ્રેન્ડનો લૉયલ્ટી ટેસ્ટ કરાવવા માટે તેને હાયર કરે છે. જેવિયરે જણાવ્યું કે આ કામ માટે તે એવી યુવતીઓને સોશિયલ મીડિયા પર મેસેજ કરે છે અને તેની સાથે વાતચીત શરૂ કરે છે. જેવિયરે જણાવ્યું કે આ દરમ્યાન તે યુવતીઓ સાથે વાતચીત કરે છે. જો રોમેન્ટિક વાતચીત કરતા યુવતીઓ તેની તરફ આકર્ષિત થાય છે અને પોતાના સંબંધો અંગે કશું પણ છુપાવે છે. તો જેવિયર તેની જાણકારી બોયફ્રેન્ડને આપી દે છે. જેને બદલામાં તેને પૈસા મળે છે.