અમેરિકાએ સિરિયા વિરુધ્ધ યુધ્ધની જાહેરાત કરી દીધી છે. એક મળતા અહેવાલ મુજબ સીરિયાની રાજધાની દમશ્ક પર હવાઇ હુમલો કર્યો છે. અમેરિકાની આ કાર્યવાહીમાં બ્રિટેન અને ફ્રાંસ તેની સાથે છે. રાષ્ટ્રપતિ ડોનાલ્ડ ટ્રમ્પે રાષ્ટ્રને સંબોધન કરતાં કહ્યું કે અમેરિકાએ સીરિયા વિરુધ્ધ યુધ્ધ શરૂ કરી દીધું છે જેમાં બ્રિટેન અને ફ્રાસ પણ સામેલ છે.
ઉલ્લેખનીય છે કે ટૂંક સમય પહેલા જ સીરિયામાં રાષ્ટ્રપતિ બશર અલ અસદે રાસાયણિક હથિયારનોપ્રયોગ કર્યો હતો. જેમાં 60થી વધારે લોકોના મોત નિપજ્યાં હતા. અમેરિકાએ આ સમયે જ સીરિયા વિરુધ્ધ કાર્યવાહી કરવાની ચેતવણી આપી હતી.
અમેરિકાના રાષ્ટ્રપતિ ડોનાલ્ડ ટ્રમ્પે પોતાના સંબોધનમાં કહ્યું કે રાસાયણિક હથિયારના પ્રયોગના કારણે જ અમેરિકાએ સીરિયા પર જવાબી કાર્યવાહી કરી છે. અમેરિકાની આ કાર્યવાહીમાં બ્રિટેન અને ફ્રાસ પણ જોડાયા છે.
રાષ્ટ્રપતિ ડોનાલ્ડ ટ્રમ્પ તરફથી આપવામાં આવેલા નિવેદનમાં કહ્યું છે કે બ્રિટેન અને ફ્રાંસના સહયોગ અને સહમતિથી અમેરિકાએ સીરિયા પર હુમલો કર્યો છે અને સૈન્ય કાર્યવાહી હજુ ચાલુ રહેશે. ઉલ્લેખનીય છે કે છેલ્લા સાત વર્ષથી સીરિયામાં આંતરિક લડાઇ ચાલી રહી છે.