કોરોના વાયરસ / UK બાદ US ની પણ અવળચંડાઇ: ભારતની આ વેક્સિનનો ડોઝ લીધો હશે તો એન્ટ્રી નહીં, સરકાર આપી શકે છે વળતો જવાબ 

• ભારતીય કોરોના રસી અંગે અમેરિકાનું બેવડું વલણ 
• કોવેક્સિન લગાવનારાઓને નહીં મળે પ્રવેશ
• US આવતા પ્રવાસીઓએ રસીકરણનો પુરાવો બાતવો પડશે   

US એ કોરોનાના ડરથી ભારત સહિત 33 દેશો પર પ્રતિબંધો લગાવ્યો હતો 

અમેરિકાએ અહીં આવતા અન્ય દેશોના લોકો માટે નવા નિયમો  જાહેર કર્યા છે. ભારતના દ્રષ્ટિકોણથી આ નવા નિયમો ભારતીય રસી મેળવાનારાઓને યુએસમાં પ્રવેશવાની મંજૂરી આપશે નહી. માર્ચ 2020માં અમેરિકાએ કોરોનાના ડરના કારણે ભારત સહિત 33 દેશોના નાગરિકો પર પ્રતિબંધો લગાવ્યા હતાં. 

વિદેશી નાગરિકોએ મુસાફરી માટે બંને ડોઝના પ્રમાણપત્રો બતાવવાના રહેશે.

કોરોનાના ઘટતા કેસ અને કેટલીક દુનિયામાં વધતા રસીકરણને કારણે અમેરિકામાં ડર થોડો ઓછો થયો છે. બિડેને એક નવા કાયદા પર હસ્તાક્ષર કર્યા છે. જે હેઠળ અમેરિકન પ્રવાસીઓએ રસીના બંને ડોઝ માટે ત્રણ દિવસ પહેલા નેગેટિવ રિપોર્ટ દર્શાવવો પડશે. જેમણે રસી નથી લગાવેલી તેમણે 24 કલાક પહેલા નેગેટિવ ટેસ્ટ રિપોર્ટ બતાવવાનો રહેશે. વિદેશી નાગરિકોએ મુસાફરી માટે બંને ડોઝના પ્રમાણપત્રો બતાવવાના રહેશે. આમાંથી છુટ ખાસ સંજોગોમાં જ આપવામાં આવશે

US આવતા વિદેશી પ્રવાસીઓએ રસીકરણનો પુરાવો બાતવો પડશે   

યુએસ સ્ટેટ ડિપાર્ટમેન્ટના પ્રવક્તા નેડ પ્રિન્સે કહ્યું  8 નવેમ્બરથી, વિદેશથી યુ.એસ. આવતા વિદેશી પ્રવાસીઓ પાસે પ્લેનમાં ચડતા પહેલા રસીકરણનો પુરાવો આ નીતિ જાહેર આરોગ્યને સૌથી પ્રથમ રાખે છે. આ ભારત માટે ફાયદાની વાત છે કારણ કે ભારત એવા 33 દેશોમાં સામેલ હતું. જેને કોરોના પ્રભાવિત માનવામાં આવતા હતા અને તેના પ્રવાસીઓ પર અમેરિકા આવવા પર પ્રતિબંધ હતો. અત્યાર સુધી અમેરિકાએ દેશોના આધારે નિયંત્રણો લાદ્યા હતા, હવે નિયમોના આધારે રસી બનાવવામાં આવી છે.

ચીન 3 વર્ષથી વધુ ઉંમરના બાળકોનું રસીકરણ શરૂ કરશે

ચીનમાં હવે ત્રણ વર્ષથી વધુ ઉંમરના બાળકોને કોવિડ-19 સામે રસી આપવામાં આવશે. ચીનમાં લગભગ 76 ટકા વસ્તીને સંપૂર્ણ રસી આપવામાં આવી છે. અને સરકાર કોવિડના વધતા કેસોને નિયંત્રિત કરવા માટે વિવિધ કડક પગલા લઈ રહી છે. તાજેતરના દિવસોમાં, ઓછામાં ઓછા પાંચ પ્રાંતોમાં સ્થાનિક અને પ્રાંતીય સ્તરની સરકારોએ જાહેરનામું બહાર પાડ્યું છે કે 3 થી 11 વર્ષની વયના બાળકોને રસી આપવાની જરૂર પડશે. ચીનમાં રસીકરણ અભિયાનનો વ્યાપ એવા સમયે વિસ્તારવામાં આવી રહ્યો છે. જ્યારે નવા કેસોને અંકુશમાં લેવા માટે દેશના કેટલાક ભાગોમાં નિયંત્રણો લાદવામાં આવ્યા છે. કોવિડના કેસ મળ્યા બાદ સોમવારે તમામ પર્યટન સ્થળો બંધ કરી દીધા હતા.નેશનલ હેલ્થ કમિશને કહ્યું કે છેલ્લા 24 કલાકમાં સ્થાનિક સંક્રમણના 35 નવા કેસ મળી આવ્યા છે, જેમાંથી ચાર ગાંસુના છે. મંગોલિયાના આંતરિક ભાગમાં અન્ય 19 કેસ મળી આવ્યા છે.

ચીને ઓલિમ્પિક રમતોમાં વિદેશી મુલાકાતીઓ પર પહેલાથી જ પ્રતિબંધ મૂકયો 

ચીને 1.4 અરબની વસ્તીમાંથી 1.07 અરબ લોકોને સંપૂર્ણ રસી આપીને સ્થાનિક સંક્રમણના કેસોને સમાવી લીધા છે. ચીનની સરકાર ફેબ્રુઆરીમાં બેઇજિંગ ઓલિમ્પિક્સ પહેલા પ્રવાસીઓ અને સામૂહિક રસીકરણ દ્વારા વધુ સંક્રમિત ડેલ્ટા સ્વરૂપના ફેલાવાને લઈને ચિંતિત છે. ઓલિમ્પિક રમતોમાં વિદેશી મુલાકાતીઓ પર પહેલાથી જ પ્રતિબંધ મૂકવામાં આવ્યો છે. આ સાથે ભાગ લેનાર ખેલાડીઓએ પણ બહારના લોકોથી અલગ રહેવું પડશે.