દાવો / અમેરિકાએ પણ માન્યું કે દાઉદ ઇબ્રાહિમ અહીં છુપાયેલો છે

પોતાના આંતરરાષ્ટ્રીય અપરાધ સિન્ડિકેટને કરાચીથી ઓપરેટ કરી રહ્યો છે. અમેરિકાની તપાસ એજન્સી FBIએ લંડનની એક કોર્ટમાં આ દાવો કર્યો છે. દાઉદ ઇબ્રાહિમના ખાસ સહયોગી એવા જાબિર મોતીવાળાના અમેરિકા પ્રત્યાર્પણની સુનાવણીના પ્રથમ દિવસે અમેરિકા તરફના વકીલે જોન હાર્ડીએ કોર્ટમાં પક્ષ રાખતા કહ્યું FBI ન્યૂયોર્કમાં ડી કંપનીની લિન્કને લઇને તપાસ કરી  રહી છે.

ડી કંપનીનું નેટવર્ક પાકિસ્તાન, ભારત અને અમેરિકામાં ફેલાયેલું છે. આ કંપનીના પ્રમુખ એવા ભારતના મોસ્ટ વોન્ટેડ દાઉદ ઇબ્રાહિમ છે, જે હાલમાં પાકિસ્તાનમાં રહે છે. FBI તરફથી પક્ષ રાખનારા વકીલે કહ્યું કે દાઉદ ઇબ્રાહિમ અને તેનો ભાઇ 1993માં ભારતમાંથી ભાગવામાં સફળ રહ્યાં હતા.

છેલ્લા 10 વર્ષમાં ડી-કંપનીએ અમેરિકામાં પણ પોતાના પગ ફેલાવાનું કામ શરૂ કર્યું છે. જેમાં મની લોન્ડ્રરિંગ તેમજ વસૂલીનું કામ કરવામાં આવી રહ્યું છે. દાઉદના સહયોગી જાબિર મોતીવાલાને અમેરિકા લઇને જઇને પૂછપરછના મામલે લંડન કોર્ટમાં કેસ ચાલી રહ્યો છે.

કોર્ટમાં વકીલે દલીલ કરતાં કહ્યું કે FBIની તપાસમાં ખુલાસો થયો છે કે મોતીવાલા સીધો દાઉદને પોતાનો રીપોર્ટ મોકલતો હતો. દાઉદની નજીકના મોતીવાલને મંગળવારે લંડનની કોર્ટમાં રજૂ કરવામાં આવ્યો. તેના પર ડ્રગ્સ ટ્રેફિકિંગ, મની લોન્ડરિંગ, વસૂલી અને આતંકવાદ માટે પૈસા એકઠા કરવાનો આરોપ છે.