નાણાંકીય મુશ્કેલીમાંથી પસાર થઇ રહેલા પાકિસ્તાન પર બધી બાજુથી સંકટના વાદળો ઘેરી રહ્યાં છે. આંતરરાષ્ટ્રી મુદ્રા કોષ (IMF)ના કડક વલણ બાદ હવે પાકિસ્તાનના સૌથી મોટા મદદગાર ગણાતા અમેરિકાએ પણ 'આર્થિક' મદદ બંધ કરી દીધી છે.
રાષ્ટ્રપતિ ડોનાલ્ડ ટ્રમ્પના એલાન બાદ અમેરિકાએ પાકિસ્તાનને આપવામાં આવતી 1.66 બિલિયન ડોલરની સહાયત પર રોક લગાવી દીધી છે.
અમેરિકાએ આ નિર્ણય પાકિસ્તાન તરફથી થઇ રહેલી મદદને જોતાં લીધો છે. અમેરિકાના રક્ષા મંત્રાલયના પ્રવક્તાએ જણાવ્યું છેકે પાકિસ્તાનને આપવામાં આવતી 1.66 અરબ ડોલરની સુરક્ષા સહાયતા રોકી દેવામાં આવી છે.
અમેરિકાના આ નિર્ણય પહેલા આઇએમએફ દ્વારા પણ પાકિસ્તાનને ઝટકો આપવામાં આવ્યો હતો. IMFએ પાકિસ્તાન સામે રાહત પેકેજ આપવા માટે કેટલીક કડક શરતો રાખી છે.
ઉલ્લેખનીય છે કે આ રાહત પેકેજ પાકિસ્તાનની અર્થવ્યવસ્થાને મજબૂત કરવા ઘણુ જરૂરી છે. IMFએ પાકિસ્તાન પાસે ચીન સાથેના નાણાકીય સહયોગ સમજૂતિની પૂરી જાણકારી માગી છે. જો કે પાકિસ્તાન અને ચીન બંને આ નાણાકીય સમજૂતિ પર કોઇ ખુલાસો કરી રહ્યાં નથી.
ઉલ્લેખનીય છે કે રાષ્ટ્રપતિ ડોનાલ્ડ ટ્રમ્પે ગત રવિવારે પોતાના ટ્વિટર માધ્યમથી પાકિસ્તાન દ્વારા આતંકવાદને રોકવા માટે પૂરતા પગલા ન લેવાના કારણે તેને આપવામાં આવતી લાખો ડોલરની સૈન્ય સહાયત બંધ કરવાના પોતાના પ્રશાસનના નિર્ણયનો બચાવ કર્યો હતો.
ટ્રમ્પે અલકાયદાના પ્રમુખ બિન-લાદનને એબટાબાદમાં છૂપાવવા માટે આપેલ જગ્યા માટે પણ ઇસ્લામાબાદની નિંદા કરી હતી.