કોરોનાની અલગ-અલગ વેક્સિનને લઈ ઘણાં રિપોર્ટ સામે આવ્યાં છે. જેમાં જણાવવામાં આવ્યું છે કે વેક્સિનની અસર ક્યા સુધી રહેશે. આવો એક અભ્યાસ હવે ફાઈઝર વેક્સિનને લઈને સામે આવ્યો છે. ફાઈઝર રસી લગાવ્યાં બાદ કોવિડ-19 એન્ટીબોડી છ મહિના બાદ 80 ટકાથી ઘટી ગયા છે. આ વાત અમેરિકાના અભ્યાસમાં સામે આવી છે.
હવે ફાઈઝર વેક્સિનને લઇને અભ્યાસ સામે આવ્યો
માત્ર છ મહિનામાં જ ફાઈઝર વેક્સિનની અસર થાય છે સમાપ્ત
છ મહિના બાદ એન્ટીબોડીનું સ્તર 80 ટકાથી પણ ઘટ્યુ
છ મહિના બાદ એન્ટીબોડીમાં થયો ઘટાડો
ફાઈઝર રસીના બંને ડોઝ લીધાના છ મહિના બાદ એન્ટીબોડી 80 ટકાથી પણ ઘટી ગયા છે. અમેરિકામાં કેસ વેસ્ટર્ન રિઝર્વ યૂનિવર્સિટી અને બ્રાઉન યૂનિવર્સિટીના નેતૃત્વમાં કરવામાં આવેલા અભ્યાસમાં નર્સિગ હોમના 120 રહેવાસીઓ અને 92 આરોગ્ય કર્મચારીઓના લોહીના નમુનાનો અભ્યાસ કરવામાં આવ્યો.
અભ્યાસમાં સંશોધનકારોએ કર્યો દાવો
સંશોધનકારોએ વિશેષ રીતે રોગપ્રતિકારક ક્ષમતાને જોઈ. જેને એન્ટીબોડી પ્રેરિત રોગપ્રતિકારક શક્તિ પણ કહેવામાં આવે છે. એટલેકે સાર્સ-સીઓવી-2 વાયરસ સામે શરીરની સુરક્ષાને માપી શકાય છે. જેનાથી કોરોના થાય છે. અભ્યાસ રિપોર્ટ હજી પ્રકાશિત થયો નથી અને તેને પ્રીપ્રિન્ટ સર્વર મેડઆર્કાઈવ પર પોસ્ટ કરવામાં આવ્યો છે. અભ્યાસમાં જાણ્વા મળ્યું છે કે છ મહિના બાદ વ્યક્તિઓનું એન્ટીબોડીનું સ્તર 80 ટકા કરતા ઘટી ગયુ.
આ પરિણામ બુસ્ટર ડોઝ લેવાની ભલામણનું કરે છે સમર્થન
રિપોર્ટ્સ મુજબ, આશરે 76 વર્ષની ઉંમરવાળા વરિષ્ઠ નાગરિકો અને 48 વર્ષની ઉંમરવાળાની સારસંભાળ રાખનારા લોકોમાં પરિણામ એકજેવા હતા. કેસ વેસ્ટર્ન રિઝર્વ યૂનિવર્સિટીના પ્રોફેસર ડેવિડ કૈનેડેએ કહ્યું કે, રસીકરણના છ મહિના બાદ આ નર્સિગ હોમના 70 ટકા રહેવાસીઓના લોહીમાં પ્રયોગશાળા પ્રયોગમાં કોરોના વાયરસ સંક્રમણને નાથવા માટેની ક્ષમતા ખૂબ જ ઓછી હતી. કૈનેડેએ કહ્યું કે, આ પરિણામ બુસ્ટર ડોઝ લેવાની ભલામણનું સમર્થન કરે છે, ખાસ કરીને વૃદ્ધો માટે.