મંદી અને મહામારી વચ્ચે પણ ટાટા મોટર્સ, ઈન્ફોસિસ, ICICI બેન્ક, વિપ્રો જેવી ભારતીય કંપનીઓએ ત્રણ વર્ષમાં અમેરિકન્સને આપ્યું 22-150% વળતર.
વૈશ્વિક શેરબજારો હાલ નબળા પડ્યા
US સ્ટોક માર્કેટમાં ભારતીય કંપનીનો દબદબો
ઘણી કંપનીઓએ અમેરિકન્સને આપ્યું 22-150% વળતર
આજકાલ ભારતીય શેરબજાર અને વૈશ્વિક શેરબજારોમાં માર્કેટ એકદમ નીચું આવી ચુક્યું છે. પરંતુ જો લાંબા ગાળામાં જોઈએ તો ભારતીય કંપનીઓએ સારું વળતર આપ્યું હતું. ત્યારે અમેરિકન ફંડ્સ ભારતીય શેરબજારમાં ભારતીય કંપનીઓમાં રોકાણ કરી સારું વળતર મેળવી રહ્યા છે એવી જ રીતે ભારતની જે કંપનીઓ US સ્ટોક માર્કેટમાં લિસ્ટેડ છે એ પણ ત્યાંનાં રોકાણકારોને સારું એવું વળતર આપી રહી છે. કોરોનાએ વૈશ્વિક અર્થતંત્રને નબળું પાડ્યું હતું. આમ છતાં અમેરિકામાં લિસ્ટેડ ટાટા મોટર્સ, ઈન્ફોસિસ, ICICI બેન્ક, વિપ્રો જેવી ભારતીય કંપનીઓએ ત્રણ વર્ષમાં અમેરિકન્સને 22-150% વળતર આપ્યું છે. વીતેલાં બે-ત્રણ વર્ષ દરમિયાન ખરાબ ઈકોનોમી વચ્ચે મોટા ભાગની ભારતીય કંપનીઓના શેર્સમાં રોકાણકારોને સારું રિટર્ન મળી રહ્યું છે.
આ કંપનીઓ અમેરિકન્સને આપ્યા સારા વળતર
ડેટા મુજબ અમેરિકામાં ઈન્ડિયા ADR બાસ્કેટમાં 15 ભારતીય કંપની લિસ્ટેડ છે. આમાં ટાટા મોટર્સ, HDFC બેન્ક, ICICI બેન્ક, ઈન્ફોસિસ, વિપ્રો, MTNL, સિફી, ડો. રેડ્ડીઝ લેબ સહિતની કંપનીઓ મુખ્ય છે. છેલ્લાં ત્રણ વર્ષના રેકોર્ડ મુજબ, 15માંથી 9 કંપનીઓમાં રોકાણકારોને 22-150% વળતર મળ્યું છે, જ્યારે HDFC બેન્ક, યાત્રા ઓનલાઈન અને રેડિફ જેવી કંપનીઓમાં 5-98% નુકસાની થઈ છે.
વૈશ્વિક મંદીનીના લીધે વર્ષમાં કરેક્શન પણ આવ્યું
કોરોનાના કારણે વૈશ્વિક અર્થતંત્રને મોટો ઝટકો લાગ્યો છે. આ સિવાય રશિયા-યુક્રેન વચ્ચેના તણાવ અને ક્રૂડ ઓઇલના ભાવ આસમાને પહોંચી જતાં ખાસ કરીને અમેરિકન ઈકોનોમીને સૌથી વધુ અસર થઈ છે. આના કારણે US સ્ટોક માર્કેટમાં મોટા પ્રમાણમાં કરેક્શન આવ્યું છે, જેની સીધી અસર સારું પર્ફોર્મ કરી રહેલી ભારતીય કંપનીઓ પર પણ જોવા મળ્યું છે.