છેલ્લા આશરે એક વર્ષથી ભારત અને ચીન વચ્ચે લદાખમાં સરહદને લઈને વિવાદ થઈ રહ્યો છે અને ડ્રેગનની નજર ભારતની જમીનો પર છે ત્યારે જેનો ભારતીય સેના જડબાતોડ જવાબ આપી રહી છે ત્યારે આટલા મહિનાઓ બાદ પણ વિવાદનો ઉકેલ આવી શક્યો નથી ત્યારે અમેરિકાની સત્તામાં ફેરફાર બાદ બાયડન સરકાર દ્વારા મોટું નિવેદન આપવામાં આવ્યું છે. અમેરિકાના વિદેશ મંત્રાલય તરફથી કહેવામાં આવ્યું છે કે અમેરિકાની નજર ભારત એન ચીન વચ્ચે સરહદની પરિસ્થિતિ પર છે આ સિવાય ચીન પર અમેરિકાએ એવું નિવેદન આપ્યું છે કે ડ્રેગનના ઈરાદાઓને જોરદાર ઝટકો લાગ્યો છે.
સમૃદ્ધિ માટે હંમેશા સહયોગી દેશો સાથે ઊભા રહીશું : અમેરિકા
અમેરિકાના વિદેશ મંત્રાલય દ્વારા કહેવામાં આવ્યું છે કે અમે પરિસ્થિતિ પર નજર રાખી રહ્યા છે અને ભારત અને ચીન વચ્ચે સરહદ વિવાદ પર શાંતિપૂર્ણ વાર્તાનું સમર્થન કરીએ છે. વિદેશ મંત્રાલયના પ્રવક્તા નેડ પ્રાઇસે વધુમાં કહ્યું કે પડોશીઓને ધમકાવવાની ચીની નીતિથી અમે ચિંતિત છે અને હિન્દ-પ્રશાંત ક્ષેત્રમાં સમૃદ્ધિ અને સુરક્ષાને વધારવા માટે પોતાના મિત્રો સાથે અમે હંમેશા ઊભા રહીશું.
લદાખમાં મહિનાઓથી સરહદ વિવાદનો કોઈ ઉકેલ આવ્યો નથી
નોંધનીય છે કે પૂર્વી લદાખ વિસ્તારમાં મે મહિનાથી જ સરહદનો વિવાદ ચાલી રહ્યો છે અને ભારત અને ચીનની સેના વચ્ચે નવ વાર વાતચીત કરવામાં આવી છે જેમાં બંને સેનાઓ દ્વારા વિવાદને ઓછો કરવા માટે ચર્ચા કરવામાં આવી જોકે ચીન પોતાની અવળચંડાઇમાંથી ઊંચું ન આવતા આ વિવાદનો ઉકેલ આવી શક્યો નથી અને બીજી તરફ ચીની સરકારના મુખપત્ર ગ્લોબલ ટાઈમ્સમાં પણ અવારનવારને ભારતને ચેતવણી આપવામાં આવી રહી છે ત્યારે હવે અમેરિકાના આ નિવેદન બાદ ચીની સરકારને ઝટકો લાગ્યો છે.