અમેરિકી સરકારની એક રિપોર્ટમાં કહેવામાં આવ્યું છે કે, પાકિસ્તાન લશ્કર એ તૈયબા અને જૈશ એ મોહમ્મદ જેવા સંગઠનોના ફંડિગ, રિક્રુટિંગ અને ટ્રેનિંગ પર રોક લગાવી શક્યું નથી. સાથે કહેવામાં આવ્યું છે કે, આ સંગઠનો સાથે જોડાયેલા સમૂહોને ગત જુલાઇમાં ચૂંટણી લડવાની પણ મંજુરી આપવામાં આવી.
પાક. આતંકી સંગઠનોના ફંડિગ, રિક્રુટિંગ અને ટ્રેનિંગ પર રોક ન લગાવી શક્યું : US
'કંટ્રી રિપોર્ટ ઓન ટેરેરિઝમ 2018' ના નામથી યુએસએ રિપોર્ટ બહાર પાડ્યો
અમેરિકાએ કહ્યું, પાક. આંતકવાદ પર રોક લગાવવામાં નિષ્ફળ નિવડ્યુ
'કંટ્રી રિપોર્ટ ઓન ટેરેરિઝમ 2018' ના નામથી પ્રકાશિત આ દસ્તાવેજમાં પાકિસ્તાનને લઇને જે પણ કહેવામાં આવ્યું છે તે તેની વર્તમાન છબિ સાથે પણ મેળ ખાય છે. તેમા આગળ લખવામાં આવ્યું છે કે પાકિસ્તાન, અફઘાન તાલિબાન અને હક્કાની નેટવર્ક જેવા આતંકી સંગઠનોને પોતાની જમીનનો ઉપયોગ કરવા પર રોક લગાવવામાં નિષ્ફળ નિવડ્યુ છે. પાકિસ્તાન અફઘાન સરકાર અને તાલિબાનીઓ વચ્ચે રાજનૈતિક સમન્વયની ખુલીને વકાલત કરે છે.
રિપોર્ટમાં ફાઇનાન્સિયલ ટાસ્ક ફોર્સ FATF નો પણ ઉલ્લેખ કરવામાં આવ્યો છે, જેણે પાકિસ્તાનને લશ્કર જેવા આતંકી સંગઠનો પર સંયુક્ત રાષ્ટ્રના પ્રતિબંધોને લાગૂ ન કરવા પર ફટકાર લગાવી છે. રિપોર્ટમાં કહેવામાં આવ્યું છે કે, વૈશ્વિક આંતકી જાહેર થઇ ચૂકેલા હાફિજ સઇદે મિલ્લી મુસ્લિમ લીગની સ્થાપના કરી જેના ઉમેદવારોએ 2018ની ચૂંટણી લડી હતી.
તેમા કહેવામાં આવ્યું છે કે, પાકિસ્તાન પર 2018માં ઘણા આંતકી હુમલાઓ થયા. પરંતુ તે ગત વર્ષોની તુલનામાં ઘણા ઓછા હતા. આતંકી સંગઠનોએ બલૂચિસ્તાન અને સિંધ પ્રાન્તમાં સરકારી, બિન સરકારી સંસ્થાઓ તથા ડિપ્લોમેટિક નિશાન બનાવ્યા. જે સતત ચાલુ છે. તેની સાથે આ આંતકીઓએ વર્ષ 2018માં નાગરિકો, પત્રકારો, નેતાઓ, સુરક્ષાદળો, પોલીસ અને સ્કૂલોને નિશાન બનાવ્યા હતા. જેમા ઘણા લોકો માર્યા ગયા હતા અને ઘાયલ થયા.