WORLD / ચીન પર પ્રતિબંધ લગાવવા અમેરિકન સંસદમાં બિલ પસાર, અમેરિકા આ મુદ્દે ચીનું નાક દબાવવા એક્શનમાં

• હોંગકોંગ મામલે US ચીન પર લગાવશે કડક પ્રતિબંધ
• ચીન પર પ્રતિબંધ લગાવવા US સંસદની મંજૂરી 
• સેનેટમાં પણ ગત સપ્તાહ ચીન વિરુદ્ધ એક બિલ પસાર કરાયું હતું

અમેરિકાના આ બિલ અંતર્ગત પોલીસ અધિકારીઓ સહિતના એ જૂથો પર પ્રતિબંધો લાદવામાં આવશે જે હોંગકોંગમાં વિરોધીઓ પર કાર્યવાહી કરે છે. જેઓ હોંગકોંગની સ્વાયત્તા અને તેના રહેવાસીઓની સ્વતંત્રતાને નબળી પાડવાનો પ્રયત્ન કરે છે. ઉપરાંત આ નવા સુરક્ષા કાયદાને લાગુ કરનારા ચીની કમ્યુનિસ્ટ પાર્ટીના અધિકારીઓ પર પણ પ્રતિબંધો લાદવામાં આવશે. આ બિલમાં કાયદાઓનું ઉલ્લંઘન કરતી સંસ્થાઓ સાથે વ્યવસાય કરતા હોવાનું જોવા મળતી બેંકો પર પ્રતિબંધની પણ જોગવાઈ છે.

ગુરુવારે સેનેટે બિલને અંતિમ મંજૂરી આપી હતી. આના એક દિવસ પહેલા, હાઉસ ઓફ રિપ્રેઝન્ટેટિવ્સે તેને મંજૂરી આપી હતી અને હવે આ બિલ વ્હાઇટ હાઉસમાં જશે. સેનેટના મતને ધ્યાનમાં રાખીને ચીનના વિદેશ મંત્રાલયના પ્રવક્તા ઝાઓ લિજિયાને કહ્યું હતું કે વિદેશી તાકતોના કોઈપણ દબાણથી " ચીનના સંકલ્પ અને રાષ્ટ્રની સંપ્રભુત્તા અને હોંગકોંગની સમૃદ્ધિ અને સ્થિરતાની સુરક્ષિત કરવાની ઈચ્છાશક્તિને હટાવી નથી શકતા."

તેમણે યુ.એસ. ને વિનંતી કરી કે તેઓ આંતરરાષ્ટ્રીય કાયદાનું પાલન કરે અને હોંગકોંગની બાબતમાં દખલ ન કરે અને પ્રતિબંધ બિલ પર સહી ન કરે.