ચીનને ફટકો / ભારત બાદ હવે આ દેશમાં ટિકટોક સહિતની ચીની એપ પર પ્રતિબંધ, સેનેટ કમિટીએ બિલ પર લગાવ્યો થપ્પો

• ફેડરલ કર્મચારીએ ચીની એપના ઉપયોગ પ્રતિબંધ
• સેનેટ કમિટીએ સર્વ સમ્મતિથી બિલને મંજૂરી આપી 
• યુએસમાં ચીની એપ પર પ્રતિબંધની માંગ જોર પકડી

રિપબ્લિકન સેનેટર જોશ હોવલે દ્વારા રજૂ કરવામાં આવેલા આ બિલોને બુધવારે સર્વસમ્મતિથી મંજુરી મળી ગઈ છે. આ પહેલા એક શીર્ષ ડેમોક્રેટની રિપોર્ટ જાહેર કરવામાં આવ્યો હતો. જેમાં કહેવામાં આવ્યુ હતુ કે અમેરિકા અને તેના સહયોગિયોએ ચીનની જાસૂસી અને સેંન્સરશિપ અભિયાનનો સામનો કરવા માટે પુરતા ઉપાય નથી કર્યા.

58 પન્નાના આ રિપોર્ટમાં ચીનના વધતો ખતરો, ઝડપતી ઈન્ટરનેટ પર ચીની વર્ચસ્વ જમાવતા આખી દુનિયાને ટાર્ગેટ બનાવવાના મનસૂબા તથા અમેરિકા સાઈબર ડોમિનનું ભવિષ્ય ચીનના હાથમાં ગુમાવવાની તૈયારીમાં છે તેમ પણ જણાવવામાં આવ્યું છે. રિપોર્ટમાં ચીનના બાયોમેટ્રિક અને ફિશિયલ રિકોગ્રિશન ટેકનિક, ડેટા, એનાલિટિક્સ, ઈન્ટરનેટ સેન્સરશિપ અને ડિજિટલ સંચાર પરની વોચ અને તેના ઉપયોગ પર પ્રકાશ નાંખ્યો છે.

ઉલ્લેખનીય છે કે 24 સાંસદોએ ચીની એપ્સને બંધ કરવા માટે ટ્રમ્પને પત્ર લખ્યો હતો. જેમાં તેમણે ભારતે ચીની 59 એપ સામે લીધેલા પગલાને ટાંકીને રજૂઆત કરી હતી. જેમાં તેમણે ચીની એપ પર અમેરિકામાં પણ પ્રતિબંધ મુકવો જોઈએ તેવી માંગ કરી હતી. જેમાં સુરક્ષાના મુદ્દાને આગળ ધરવામાં આવ્યુ હતુ.