બગદાદ સ્થિત ગ્રીન ઝોનમાં સતત બીજા દિવસે પણ હુમલો થયો છે. આ હુમલામાં હાલ સુધી કોઈના ઈજાગ્રસ્ત થવાના સમાચાર નથી. શનિવારની રાતે પણ અમેરિકી દૂતાવાસની પાસે રોકેટથી હુમલો કરવામાં આવ્યો હતો.
ઈરાની હુમલાને લઈને અમેરિકાએ ભારત સાથે કરી વાત
સુલેમાનીના મોત બાદ અમેરિકા- ઈરાનમાં તણાવની સ્થિતિ
માઈક પોમ્પિયો અને એસ જયશંકરની વચ્ચે થઈ વાતચીત
ઈરાન અને અમેરિકાની વચ્ચેની લડાઈને ખતમ કરવાની કોશિશ દુનિયા કરી રહી છે. યૂરોપિયન યૂનિયન ભારત સહિત અનેક આંતરરાષ્ટ્રિય સંગઠનોએ બંને દેશોને સંયમ રાખવાની અપીલ કરી છે. પરંતુ તેમ છતાં સ્થિતિ સામાન્ય થઈ રહી નથી. હાલમાં જ બગદાદ સ્થિત અમેરિકી દૂતાવાસની પાસે એકવાર ફરી રોકેટ હુમલો કરવામાં આવ્યો છે. આ હુમલામાં હાલ સુધી કોઈ નુકસાનના સમાચાર નથી.
અમેરિકા અને ભારતના વિદેશમંત્રીઓ વચ્ચે ઈરાનને લઈને વાતચીત
આ સમયે અમેરિકા પણ દુનિયાભરમાં પોતાની તરફથી મોર્ચેબંધીમાં જોડાયેલું છે. અમેરિકાના વિદેશમંત્રી માઈક પોમ્પિયોએ ભારતના વિદેશમંત્રી એસ જયશંકર સાથે વાત કરી કે ઈરાની જનરલ કાસિમ સુલેમાનીની સાથે જોડાયેલા નિર્ણયમાં ભારતને જાણકારી રહે. આ સિવાય બંને દેશોની વચ્ચે પશ્ચિમ એશિયાના તણાવની સ્થિતિ પર પણ ચર્ચા થઈ છે.
અમેરિકી દૂતાવાસની પાસે રોકેટ એટેક
બગદાદની પાસે ગ્રીન ઝોનમાં સતત બીજા દિવસે હુમલો થયો છે. અહીં અમેરિકી દૂતાવાસની નજીક બે રોકેટ આવીને પડ્યા. આ હુમલામાં કોઈ ઈજાગ્રસ્ત થયું નથી, શનિવારે મોડી રાતે અમેરિકી દૂતાવાસ પાસે હુમલો કરવામાં આવ્યો હતો. મળતી માહિતી અનુસાર ગ્રીન ઝોનની બહાર એક ત્રીજું રોકેટ પણ મળ્યું છે જેના કારણે એક પરિવારના 4 લોકો ઈજાગ્રસ્ત થયા છે. ગ્રીન ઝોનની આસપાસની જમીન અને હવાઈ સુરક્ષા ઉચ્ચ સ્તરની રાખવામાં આવી છે.
અમેરિકા અને ઈરાનની વચ્ચેની સ્થિતિથી ભારત પણ ચિંતિત
ઈરાન અને અમેરિકાની વચ્ચેના તણાવે ભારતની ચિંતા પણ વધારી છે. બંને દેશ ભારતની ખાસ રણનીતિ અને વ્યાપારિક ભાગીદારી ધરાવે છે. ભારતે બંને દેશોને તણાવ દૂર કરવાની અપીલ કરી છે. જો કે માઈક પોમ્પિયોની ટ્વિટની ભાષા ઈરાનને લઈને આક્રમક અને ભડકાઉ જોવા મળી રહી છે. વિદેશમંત્રી એસ જયશંકરની મુલાકાત બાદ માઈક પોમ્પિયોએ ટ્વીટ કર્યું કે એસ. જયશંકર અને મેં હાલમાં જ વાત કરી છે અમને ઈરાન દ્વારા સતત ધમકીઓ અને ઉશ્કેરવાના પ્રયાસ કરવામાં આવી રહ્યા છે. ટ્રમ્પ અને અમેરિકી લોકો, દોસ્તો અને સહયોગીઓની રક્ષાને માટે જરા પણ અચકાશે નહીં.
.@DrSJaishankar and I spoke just now regarding Iran’s continued threats and provocations. The Trump Administration won’t hesitate to act to keep American lives, and those of our friends and allies, safe.
માઈક પોમ્પિયો સાથેની મુલાકાત બાદ વિદેશમંત્રી એસ. જયશંકરે કહ્યું કે ભારતે અમેરિકાની સામે પોતાના હિત અને ચિંતાઓ રજૂ કરી છે. તેઓએ ટ્વિટ કર્યું કે અમેરિકાના વિદેશમંત્રી માઈક પોમ્પિયો સાથે જોડાયેલા ખાડી ક્ષેત્રની સ્થિતિ વિશે પણ ચર્ચા થઈ છે. અમે ભારતની ચિંતાઓ અને ભારતના હિતને વિશે તેમને વાત કરી છે.
Had a telephonic discussion with Secretary of State @SecPompeo on the evolving situation in the Gulf region. Highlighted India's stakes and concerns.
ઉલ્લેખનીય છે કે પશ્ચિમ એશિયાની સ્થિતિ પર ભારત સતત સમીક્ષા કરી રહ્યું છે. સૂત્રના અનુસાર ભારત દરેક સંબંધિત પક્ષકારોની સાથે હાલની સ્થિતિ પર વાત કરી રહ્યું છે કારણ કે આ ક્ષેત્રની સુરક્ષા અને સ્થિરતામાં ભારતની રુચિ છે.
ઉલ્લેખનીય છે કે વિદેશમંત્રી એસ. જયશંકરે ઈરાનના વિદેશમંત્રી મોહમ્મદ જાવેદ જરીફ સાથે હાલની સ્થિતિને લઈને ફોન પર વાત કરી છે. બંને દેશોએ એકમેકની સાથેની સ્થિતિને અવગત કરાવી. વિદેશમંત્રીએ આ વિશે જાણકારી આપતાં ઈરાનને કહ્યું કે ભારત આ સ્થિતિથી ચિંતિત છે, બંને દેશ એકમેકના સંપર્કમાં રહેવાને માટે સહમત થયા છે.