અમેરિકામાં રાષ્ટ્રપતિની ચૂંટણી થવા જઈ રહી છે. ત્યારે ટ્રમ્પ કોરોનામાં થેયલા ડેમેજને કન્ટ્રોલ કરવા માટે વિઝા કાર્ડ રમી રહ્યા છે. કોરોનામાં બેરોજગાર થયેલા અમેરિકનોને કામ મળી રહે તે માટે ટ્રમ્પે અમેરિકાના એચ 1 - બી વિઝા પર પહેલા પ્રતિબંધ મુક્યો હવે તેના નિયમોમાં ફેરફાર કર્યો છે. નિયમો વધારે કડક બનાવવામાં આવ્યા છે.
અમેરિકામાં ચૂંટણી પહેલા ટ્રમ્પનું વિઝા કાર્ડ
અમેરિકાએ H1-B વિઝાના નિયમો કર્યા વધુ કડક
નવા નિયમોમાં વિશેષ વ્યવસાયની વ્યાખ્યા બદલાઈ
H1-Bથી 5 લાખ અમેરિકરનોએ નોકરી ગુમાવ્યાનો તર્ક
અમેરિકામાં ચૂંટણી પહેલા ટ્રમ્પે વિઝા કાર્ડ નાંખ્યું છે. અમેરિકાએ H1-B વિઝાના નિયમો વધુ કડક કર્યા છે. નવા નિયમોમાં વિશેષ વ્યવસાયની વ્યાખ્યા બદલાઈ છે. નિયમોમાં કરાયેલા ફેરફારની જાહેરાત નથી કરાઈ. નવા નિયમથી ભારતીય પ્રોફેશનલને વધુ નુકસાન થવાની શક્યતા છે. H1-Bથી 5 લાખ અમેરિકનોએ નોકરી ગુમાવ્યાનો તર્ક લગાવાઈ રહ્યો છે. ઉલ્લેખનીય છે કે 70 ટકા H1-B વિઝા ભારતીય પ્રોફેશનલને મળે છે.
એચ-1 બી વિઝામાં ભારતીયોની 70 ટકાથી વધુની ભાગીદારી
હાલની લોટરી સિસ્ટમની મદદથી વર્ષે 85 હજાર નવા એચ-1 બી વિઝા જાહેર કરવામાં આવે છે. વિદેશમંત્રી ડૉ. એસ જયશંકરે સંસદમાં જણાવ્યું હતું કે છેલ્લાં 5 વર્ષમાં જાહેર કરવામાં આવેલા એચ-1 બી વિઝા 70 ટકાથી વધુ ભારતીયોને મળ્યા છે. 2015માં ભારતીય-અમેરિકી ગ્રુપના લોકોના આંકડાએ 10 લાખનો ફિગર ક્રોસ કર્યો હતો. આ લોકોથી ભારતને મોટા પ્રમાણમાં રેમિન્ટસનો ફાયદો મળ્યો છે. અમેરિકાના રાજકીય સ્તરથી લઈને વ્હાઈટ હાઉસની ટીમમાં પણ આજે અનેક ભારતીય-અમેરિકી છે.
એચ-1 બી વિઝા શું છે?
એચ-1 બી વિઝા નોન-એગ્રીમેન્ટ કે ગેરપ્રવાસી વિઝા છે. અમેરિકાની કંપનીઓ અન્ય દેશના ટેક્નિકલ એક્સપર્ટ્સને હાયર કરે છે, જે બાદ આ કંપનીઓ સરકાર સમક્ષ હાયર કરવામાં આવેલા એમ્પ્લોયીઝ માટે એચ-1બી વિઝાની માગ કરે છે. મોટા ભાગના કર્મચારી ભારત કે ચીનના હોય છે. જો કોઈ એચ-1 બી વિઝાધારકની કંપનીએ તેની સાથેનો કોન્ટ્રેક્ટ સમાપ્ત કરી લીધો છે, તો વિઝા સ્ટેટસ યથાવત્ રાખવા માટે તેને 60 દિવસોમાં નવી કંપનીમાં જોબ મેળવવી જરૂરી છે. યુએસ સિટિઝનશિપ એન્ડ ઈમિગ્રેશન સર્વિસીઝ (યુએસસીઆઈએસ) મુજબ એચ-1 બી વિઝાથી સૌથી વધુ ફાયદો ભારતીય નાગરિકોને જ થાય છે.