વિશ્વનું સુપરપાવર અમેરિકા કોરોનાથી સૌથી પીડિત દેશ છે, બૂસ્ટર ડોઝ આપવા છતાં કેસ 10 લાખને પાર થઈ ગયા છે અને બાયડન જાણે નિઃસહાય થઈ ગયા હોય તેવી પરિસ્થિતિ સર્જાઇ છે.
અમેરિકામાં કોરોનાથી બચવા માટે વેક્સિનનો બુસ્ટર ડોઝની શરૂઆત
અમેરિકામાં 10.13 લાખ કેસ આવ્યા પોઝિટિવ, બાયડન ટેન્શનમાં
અમેરિકામાં કોરોનાના સંક્રમણમાં સતત વધારો થઇ રહ્યો છે. અમેરિકામાં બીજી વખત કોરોનાના કેસોનો રેકોર્ડ તૂટ્યો છે. અમેરિકામાં બીજી વખત આવ્યા 10 લાખથી વધુ કેસો આવ્યા છે. અમરિકામાં 10.13 લાખ કેસ પોઝિટિવ આવ્યા છે. ગત સપ્તાહમાં પણ આવ્યા હતા 10.03 લાખ કેસ પોઝિટિવ. કેસો વધતાં અમેરિકી રાષ્ટ્રપતિએ ઇમરજન્સી મિટીંગ બોલાવી હતી. વૈશ્વિક મહામારીમાં અમેરિકા સૌથી વધુ પીડિત દેશ તરીકે સામે આવી રહ્યો છે. કોરોનાના કેસોમાં મોટેભાગના કેસ ઓમિક્રોનના હોવાની વિગતો પ્રાપ્ત થઇ રહી છે. અમેરિકામાં કોરોનાથી બચવા માટે વેક્સિનનો બુસ્ટર ડોઝની શરૂઆત પણ કરી દેવામાં આવી છે. વેક્સિનનો બુસ્ટર ડોઝ આપવા છતાં કેસોમાં ઘટાડો નથી થઇ રહ્યો, અમેરિકામાં હાલ 1,35,500 દર્દીઓ કોરોનાને કારણે હોસ્પિટલમાં સારવાર લઇ રહ્યા છે. અમેરિકામાં કોરોનાને કારણે અનેક પ્રતિબંધો પણ લગાવવામાં આવ્યા છે.
તારીખ
કેસ
5 જાન્યુઆરી
7,13,926
6 જાન્યુઆરી
8,02,724
7 જાન્યુઆરી
8,72,622
8 જાન્યુઆરી
7,89,744
9 જાન્યુઆરી
7,13,645
10 જાન્યુઆરી
6,73,837
11 જાન્યુઆરી
10,13,000
ભારતમાં શું છે પરિસ્થિતિ?
દેશમાં કોરોનાની સ્થિતિ બેકાબૂ થતી જાય છે. અને કેસ વધવાની ગતિ અટકવાનું નામ નથી લઈ રહી. જો કે ગઈકાલની સરખામણીમાં આજે કોરોનાના નવા કેસોમાં ઘટાડો જોવા મળ્યો છે. દેશમાં છેલ્લા 24 કલાકમાં 1 લાખ 68 હજાર 63 નવા કેસ નોંધાયા છે જ્યારે 277 લોકોના મોત થયા છે. ગઈકાલની સરખામણીમાં આજે કોરોનાના નવા કેસોમાં 6.4 ટકાનો ઘટાડો નોંધાયો છે. સોમવારે 1 લાખ 79 હજાર નવા કેસ નોંધાયા હતા.
70 હજાર લોકો સાજા થાય
આ નવા કેસના આવ્યા બાદ દેશમાં કોરોના સંક્રમિતના કુલ કેસ વધીને 3 કરોડ 58 લાખ 75 હજાર 790 થઈ ગયા છે. જો કે, આ સમયગાળા દરમિયાન 69,959 લોકો કોરોનાથી સાજા થયા છે. જ્યારે અત્યાર સુધીમાં કોરોનાનાં કારણે કુલ 4 લાખ 84 હજાર 213 લોકોએ જીવ ગુમાવ્યા છે.
કેવા છે આજના કોરોનાનાં આંકડા?
દેશમાં કોવિડ-19થી અત્યાર સુધીમાં 3 કરોડ 45 લાખ 70 હજાર 131 લોકો સાજા થયા છે. દેશમાં કોવિડ-19થી અત્યાર સુધીમાં 3 કરોડ 45 લાખ 70 હજાર 131 લોકો સાજા થયા છે. જ્યારે ઓમિક્રોનના વધતા ખતરા બાદ હવે સક્રિય દર્દીઓની સંખ્યા વધીને 8 લાખ 21 હજાર 446 થઈ ગઈ છે. સોમવારે ભારતમાં કોરોના વાયરસ માટે 15,79,928 સેમ્પલ ટેસ્ટ કરવામાં આવ્યા હતા. ગઈકાલ સુધીમાં કુલ 69 કરોડ 31 લાખ 55 હજાર 280 સેમ્પલ ટેસ્ટ કરવામાં આવ્યા છે.