ભારતનો ડંકો / PM મોદીના પ્રવાસ પહેલા USAએ કર્યા વખાણ, કહ્યું ભારત એક વાઇબ્રેન્ટ ડેમોક્રેસિ, દિલ્હીમાં જઈને જોઈ લો

• અમેરિકાના રાષ્ટ્રપતિ ભવન વ્હાઇટ હાઉસે નિવેદન જાહેર કર્યું
• વ્હાઈટ હાઉસે કહ્યું કે - ભારત એક વાઇબ્રન્ટ લોકશાહી છે
• જોન કિર્બીએ ભારતમાં લોકશાહીની ચિંતાઓને ફગાવી દીધી 
• PM મોદી 21 થી 24 જૂન સુધી અમેરિકાના પ્રવાસે જશો

અમેરિકાના રાષ્ટ્રપતિ ભવન વ્હાઇટ હાઉસે સોમવારે એક નિવેદન જારી કરીને કહ્યું કે ભારત એક વાઇબ્રન્ટ લોકશાહી છે. વ્હાઈટ હાઉસે કહ્યું કે કોઈ પણ વ્યક્તિ દિલ્હી જઈને જાતે જોઈ શકે છે. જણાવી દઈએ કે રાહુલ ગાંધી આ દિવસોમાં અમેરિકાના પ્રવાસે છે અને ત્યાં તેમણે પોતાના નિવેદનમાં ભારતમાં લોકશાહી અંગે ચિંતા વ્યક્ત કરી છે. આ અંગે વ્હાઈટ હાઉસમાં પ્રેસ કોન્ફરન્સ દરમિયાન કેટલાક પત્રકારોએ ભારતના લોકતંત્ર સાથે જોડાયેલા પ્રશ્નો ઉઠાવ્યા હતા. જો કે, જોન કિર્બીએ ભારતમાં લોકશાહીની ચિંતાઓને ફગાવી દીધી હતી.

"Go to Delhi see for yourself": Ahead of PM Modi's US visit, White House praises India's "vibrant democracy"

Read @ANI Story | https://t.co/HtdOUIGRU1#WhiteHouse #JohnKirby #PMmodi pic.twitter.com/wPHkd7n4yH

— ANI Digital (@ani_digital) June 6, 2023

PM  મોદીનો અમેરિકા પ્રવાસ મહત્વનો 

અમેરિકાની રાષ્ટ્રીય સુરક્ષા પરિષદના વ્યૂહાત્મક સંચાર સંયોજક જ્હોન કિર્બીએ કહ્યું કે ભારત એક જીવંત લોકશાહી છે અને અમે આશા રાખીએ છીએ કે લોકતાંત્રિક સંસ્થાઓની તાકાત પર ચર્ચા ચાલુ રહેશે. જ્હોન કિર્બીએ કહ્યું કે 'અમે અમારા મિત્રો સાથે અમારી ચિંતાઓ વ્યક્ત કરવામાં શરમાતા નથી. પીએમ મોદીના અમેરિકા પ્રવાસ અંગે તેમણે કહ્યું કે બંને દેશોના સંબંધોને મજબૂત કરવા માટે આ મુલાકાત ખૂબ જ મહત્વપૂર્ણ છે.

#WATCH | We face a rapidly changing world. We see bullying and coercion from China, Russian aggression against Ukraine & transnational challenges such as terrorism&climate change, says US Defence Secy as he speaks on the importance of joint military exercises b/w India & US. pic.twitter.com/9CRWUiR6C7

— ANI (@ANI) June 5, 2023

ભારત અનેક સ્તરે અમેરિકાનું મજબૂત સાથી 

કિર્બીએ કહ્યું કે 'ભારત અનેક સ્તરે અમેરિકાનું મજબૂત સાથી છે. તેમણે કહ્યું કે શાંગરી-લા કોન્ફરન્સમાં પણ સંરક્ષણ સચિવ લોયડ ઓસ્ટીને જાહેરાત કરી હતી કે ભારત સાથે સંરક્ષણ સહયોગને આગળ વધારવામાં આવશે. બંને દેશો વચ્ચે આર્થિક સહયોગ વધી રહ્યો છે, સાથે જ ભારત હિંદ-પ્રશાંત મહાસાગરની સુરક્ષા માટે રચાયેલી ક્વાડનો મહત્વપૂર્ણ સાથી છે. એવા ઘણા કારણો છે જેના આધારે એવું કહી શકાય કે ભારત માત્ર દ્વિપક્ષીય સંબંધોની દ્રષ્ટિએ જ નહીં પરંતુ બહુપક્ષીય સંબંધોની દ્રષ્ટિએ પણ અમેરિકા માટે એક મહત્વપૂર્ણ સાથી છે. પીએમ મોદીની આગામી મુલાકાત દરમિયાન બંને દેશો વચ્ચે ઘણા મહત્વપૂર્ણ મુદ્દાઓ પર ચર્ચા થઈ શકે છે.

PM મોદી 21 થી 24 જૂન સુધી અમેરિકાના પ્રવાસે

પીએમ મોદી 21 થી 24 જૂન સુધી અમેરિકાના પ્રવાસે છે. વડાપ્રધાનની આ પ્રથમ રાજ્ય મુલાકાત હશે. મોદી અમેરિકામાં સંસદના બંને ગૃહોના સંયુક્ત સત્રને સંબોધિત કરશે. અમેરિકાના ભારતીય મૂળના સાંસદો અને અન્ય ઘણા સાંસદો આ અંગે ખૂબ જ ઉત્સાહિત છે. પીએમ મોદીને મોકલવામાં આવેલા આમંત્રણ પત્રમાં લખ્યું છે કે યુએસ હાઉસના બંને ગૃહો વતી 22 જૂન 2023ના રોજ ગૃહના સંયુક્ત સત્રને સંબોધિત કરવું અમારા માટે સન્માનની વાત હશે. આમંત્રણ પર કેવિન મેકકાર્થી, સેનેટ લીડર ચક શૂમર, મિચ મેકકોનેલ, હકીમ જેફ્રીઝ દ્વારા પણ હસ્તાક્ષર કરવામાં આવ્યા છે. PM મોદીના ગૃહને સંબોધનને લઈને ઘણા અમેરિકન સાંસદો ઉત્સાહિત છે.