અમેરિકાની રાષ્ટ્રપતિની ચૂંટણીને લઈને મતગણતરીમાં ગેરરીતિનો આરોપ લગાવીને ટ્રમ્પ સમર્થકોએ અનેક શહેરોમાં પ્રદર્શન શરૂ કર્યું છે. તેઓ રસ્તા પર આવી ચૂક્યા છે અને જોર જોરથી સંગીત વગાડીને મતગણતરીને રોકવાનો પ્રયાસ કરી રહ્યા છે. અન્ય તરફ ટ્રમ્પની વિરુદ્ધમાં પણ નારેબાજી થઈ રહી છે અને તેમને નાઝીવાદી ગણાવતા પોસ્ટર્સ લગાવવામાં આવ્યા છે. અનેક જગ્યાઓએ બંને સમર્થકો અંદરોઅંદર લડાવવાના કારણે પોલીસે હસ્તક્ષેપ કરવો પડ્યો છે.
અમેરિકા રાષ્ટ્રપતિની ચૂંટણી
રસ્તા પર ઉતર્યા ટ્રમ્પ સમર્થકો
મત ગણતરીમાં ગેરરીતિનો આક્ષેપ
120 વર્ષમાં થયું સર્વાધિક વોટિંગ
આ વખતે 23.9 કરોડ મતદાતાઓમાં રેકોર્ડ 16 કરોડે વોટિંગ કર્યું છે. આ પહેલાં 1900માં 73.7 ટકા મતદાન થયું હતું. જ્યારે 120 વર્ષમાં આ વખતે સૌથી વધારે વોટિંગ થયું છે. ફ્લોરિડા વિશ્વ વિદ્યાલયના પ્રોફેસર માઈકલ મૈકડોનાલ્ડના અનુસાર એમ પણ માનવામાં આવી રહ્યું છે કે અનેક રાજ્યોમાં રેકોર્ડ કાયમ રહ્યો હોવાથી વોટિંગ વધ્યું છે. મિનસોટા અને મૈનમાં 79.9 ટકા મતદાનનું અનુમાન છે. આ પછી આયોનામાં 78.6 ટકા મતદાન થયું છે.
ટ્રમ્પ સમર્થકોએ રેલી અને સંગીતથી મતગણતરી રોકવાનો કર્યો પ્રયાસ
એરિઝોનામાં ચૂંટણી કાર્યાલય બહાર લોકોએ હોબાળો મચાવ્યો તો આ સાથે જ વોશિંગ્ટનમાં ટ્રમ્પ સમર્થકોએ રેલી કરી શહેર બંધ કરાવાની અપીલ કરી છે. એલએમાં પણ 400 સમર્થકોએ તેજ સંગીત વગાડી મતગણતરીને રોકવાનો પ્રયાસ કર્યો હોવાનું સામે આવ્યું છે.
બાઇડન સમર્થકોએ પણ ટ્રમ્પ સામે કરી નારેબાજી
બાઇડન સમર્થકોએ ટ્રમ્પને નાઝીવાદી સાથે સરખાવ્યા છે અને સાથે જ આ સમયે હિંસામાં મૂળ ભારતીય દેવિના સિંહની પણ ધરપકડ કરાઇ છે. મલતી માહિતી અનુસાર અમેરિકામાં 120 વર્ષમાં સૌથી વધુ 16 કરોડ મત પડ્યા છે. અમેરિકામાં કુલ 23.9 કરોડ મતદાતાઓમાંથી 16 કરોડ મતદાતાઓએ મતદાન કર્યું હોવાનું સામે આવ્યું છે.