અમેરિકાના રાષ્ટ્રપતિ ડોનાલ્ડ ટ્રમ્પ ભારતના પ્રવાસે આવી રહ્યાં છે. ત્યારે ટ્રમ્પને આવકારવા તડામાર તૈયારીઓ શરૂ કરી દેવામાં આવી છે. સૌથી મોટા મોટેરા સ્ટેડિયમનું ઉદ્ઘાટન કરશે. તો મોટેરા સ્ટેડિયમમાં 'કેમ છો ટ્રમ્પ' કાર્યક્રમ યોજાવા જઇ રહ્યો છે. ત્યારે જાણો શું છે સમગ્ર કાર્યક્રમની રૂપરેખા.
ગુજરાતના મહેમાન બનશે ડોનાલ્ડ ટ્રમ્પ
અમદાવાદમાં તડામાર તૈયારીઓ શરૂ
મોટેરાના સ્ટેડિયમ ખાતે 2 કલાકના કાર્યક્રમમાં આપશે હાજરી
ઉલ્લેખનીય છે કે, ડોનાલ્ટ ટ્રમ્પ મોટેરા સ્ટેડિયમનું 4 વાગ્યે ઉદ્ધાટન કરશે. મોટેરા સ્ટેડિયમ ખાતે 2 કલાકનો કાર્યક્રમ રહેશે. ડોનાલ્ડ ટ્રમ્પને ગુજરાતના લોક સંગીત અને સંસ્કૃતિની ઝાંખી બતાવાશે. ડોનાલ્ડ ટ્રમ્પ ગુજરાતના દાંડિયા રાસ નિહાળશે. જેની રમતગમત મંત્રાલયને જવાબદારી સોંપવામાં આવી છે.
દિગ્ગજ ક્રિકેટરોને આપવામાં આવ્યું નિમંત્રણ
રંગારંગ કાર્યક્રમમાં ભારતના દિગ્ગજ ક્રિકેટરો પણ આવશે. સૌરવ ગાંગુલી, સચિન તેંડુલકર, કપીલ દેવ, સુનિલ ગાવસ્કર, ઈરફાન પઠાણ, પાર્થિવ પટેલને આમંત્રણ આપવામાં આવશે. વિશ્વનું સૌથી મોટું ક્રિકેટ સ્ટેડિયમ તૈયાર થઇ ગયું છે.
હયાત હોટલમાં આપવામાં આવ્યો ઉતારો
ટ્રમ્પ વસ્ત્રાપુરની હયાત હોટેલમાં રોકાણ કરશે. જયારે ટ્રમ્પના કાફલાને આશ્રમ રોડની હયાતમાં સ્થાન આપવામાં આવશે. આથી હયાત હોટેલમાં બુકિંગ બંધ કરવામાં આવ્યુ છે. હયાતમાં 22થી 26 ફેબ્રુઆરી સુધી વસ્ત્રાપુર-ઉસ્માનપુરાની હયાત હોટેલમાં બુકિંગ બંધ કરવામાં આવ્યુ છે.
100 કરોડ રૂપિયાનો કરાશે ખર્ચ
જગત જમાદાર અમેરિકાના રાષ્ટ્રપતિ ડોનાલ્ડ ટ્રમ્પ અમદાવાદને આંગણે મહેમાન બની રહ્યા છે ત્યારે તેમની આ મુલાકાત પાછળ 100 કરોડ રૂપિયાનો ખર્ચ કરવામાં આવનાર છે.
જાણો ક્યાં સ્થળની લેશે મુલાકાત
તો અમેરિકાના રાષ્ટ્રપતિ ડોનાલ્ડ ટ્રમ્પ ગાંધી આશ્રમની પણ મુલાકાત લેવાના છે. ત્યારે ટ્રમ્પની મુલાકાતને લઈ ગાંધી આશ્રમમાં તૈયારી પૂરજોશમાં ચાલી રહી છે. રિવરફ્રન્ટના કાંઠે સ્ટેજ બનાવવામાં આવી રહ્યું છે. ડોનાલ્ડ ટ્રમ્પ અને PM મોદી રિવરફ્રન્ટનો નજારો માણશે.
તો ગાંધી આશ્રમમાં હૃદય કુંજ અને ચરખામાં રંગરોગાન કરવામાં આવ્યું છે. પોલીસ અધિકારીઓ દ્વારા સુરક્ષા વ્યવસ્થાની સમીક્ષા કરવામાં આવી છે. તો ગાંધી આશ્રમમાં બૉમ્બ સ્ક્વોડ દ્વારા ચેકિંગ શરૂ કરવામાં આવ્યું છે.