બેઠક / જો બાયડને આપી ચેતવણી, કાબુલ એરપોર્ટ પર 24થી 36 કલાકમાં ફરી હુમલાની શક્યતા

• કાબુલમાં આવતા 24થી 36 કલાકની અંદર વધુ એક હુમલો થઈ શકે
• બાયડને ISIS-Kના અડ્ડા પર કરવામાં આવેલા હુમલાની ચર્ચા કરી
• નાટોના દેશોએ 2 દશક બાદ પોતાના સૈનિકોને અફઘાનની બહાર કાઢ્યા

 કાબુલમાં આવતા 24થી 36 કલાકની અંદર વધુ એક હુમલો થઈ શકે

અમેરિકન રાષ્ટ્રપતિ જો બાયડને આ સંબંધમાં ચેતવણી જારી કરતા કહ્યું છે કે કાબુલ એરપોર્ટ પર આવતા 24થી 36 કલાકની અંદર વધુ એક હુમલો થઈ શકે છે. તેમનું કહેવું છે કે અફઘાનિસ્તાનમાં સ્થિતિ બહુ ખતરનાક છે અને હુમલાનું સંકટ પણ વધી રહ્યું છે.

બાયડને ISIS-Kના અડ્ડા પર કરવામાં આવેલા હુમલાની ચર્ચા કરી

જો બાયડને જાણકારી આપી છે કે તેમણે રાષ્ટ્રીય સુરક્ષા ટીમ અને અફઘાનિસ્તાનમાં તૈનાત કમાન્ડરોની સાથે મહત્વની બેઠક કરી છે. તેમનું કહેવું છે કે તેમને કમાન્ડોએ બેઠકમાં જણાવ્યું કે કાબુલ એરપોર્ટ પર આવતા 24થી 36 કલાકની અંદર વધુ એક હુમલો થઈ શકે છે. બાયડને કહ્યું કે બેઠક દરમિયાન ગત રાત અફઘાનિસ્તાનમાં આતંકી સંગઠન ISIS-Kના અડ્ડા પર કરવામાં આવેલા હુમલાની ચર્ચા કરી. તેમણે કહ્યું કે અમે અમારા સૈનિકો અને નાગરિકો પર હુમલાના જવાબદાર લોકોને શોધીશું અને અમે એજ કર્યુ.

અમે કાબુલ હુમલામાં શામેલ ગુનેગારોનો પીછો કરીશું - બાયડન

રાષ્ટ્રપતિ બાયડને કહ્યું કે આતંકીઓ પર કરવામાં આવેલો આ હુમલા છેલ્લો નહોંતો. અમે કાબુલ હુમલામાં શામેલ ગુનેગારોનો પીછો કરીશું અને તેમને સજા આપીશુ. જ્યારે પણ કોઈ અમેરિકા અથવા અમારા સૈનિકો પર હુમલો કરશે અમે તેમને જડબાતોડ જવાબ આપીશું.  બાયડને કહ્યું કાબુલમાં ખતરનાક સ્થિતિની વચ્ચે અમે નાગરિકોને ત્યાંથી નીકાળી રહ્યા છીએ. કાલે અમે 6800 લોકોને કાઢ્યા હતા. જેમાંથી હજારો અમેરિકન પણ હતા. તેમણે કહ્યું કે આ વાત પર ચર્ચા કરી કે અમેરિકન સૈનિકોના અફઘાનિસ્તાનમાં ગયા બાદ લોકોને કેવી રીતે બહાર કાઢવામાં આવે.

નાટોના દેશોએ 2 દશક બાદ પોતાના સૈનિકોને અફઘાનની બહાર કાઢ્યા

ત્યારે તાલિબાને શનિવારે કાબુલ એરપોર્ટને બંધ કરી દીધું છે. મોટાભાગના અફઘાનિ દેશ છોડવાની આશા લગાવીને બેઠા હતા અને ઉત્તર અટલાન્ટિક સંધિ સંગઠન (નાટો)ના મોટાભાગના દેશ અફઘાનિસ્તાનમાં 2 દશક બાદ પોતાના સૈનિકોને કાઢી લાવ્યા છે.

અમેરિકાએ 15 ઓગસ્ટ સુધી તાલિબાનના કાબુલ પર કબ્જો કર્યા બાદથી 1 લાખથી વધારે લોકોને સુરક્ષિત બહાર કાઢ્યા છે અને આશા છે કે મંગળવારની સમય સીમા સુધી તે તમામ લોકોને બહાર કાઢશે.