અમેરિકાના રાષ્ટ્રપતિ જો બાયડને રશિયા સામે નવા પ્રતિબંધોની જાહેરાત કરી છે.
રશિયા-યુક્રેન વચ્ચે આવ્યા સૌથી મોટા સમાચાર
અમેરિકાએ રશિયા પર લાદ્યો મોટો પ્રતિબંધ
બાયડને કહ્યું- રશિયા સાથે યુદ્ધ થશે તો તે ત્રીજું વિશ્વયુદ્ધ હશે
રશિયાના સીફૂડ અને હીરાની આયાત પર પ્રતિબંધ મુકવામાં આવ્યો છે. બાયડને કહ્યું કે રશિયાને આપવામાં આવેલ મોસ્ટ ફેવર્ડ નેશનનો દરજ્જો છીનવી લેવામાં આવ્યો છે. અમેરિકી રાષ્ટ્રપતિએ કહ્યું કે રશિયન રાષ્ટ્રપતિ વ્લાદિમીર પુતિન આંતરરાષ્ટ્રીય શાંતિ માટે મોટો ખતરો છે.
The United States will revoke Russia's 'permanent normal trade relations' status: US President Joe Biden pic.twitter.com/JSz8uCfaUm
જો રશિયા અને અમેરિકા વચ્ચે યુદ્ધ થશે તો તે ત્રીજું વિશ્વ યુદ્ધ હશે
સૌએ રશિયા સામે એક થવાની જરૂર છે. આ માટે સૌએ એક થવું પડશે. બાયડને કહ્યું કે રશિયાના બિઝનેસ પર પ્રતિબંધો લાદવામાં આવશે. તેમણે કહ્યું કે જો રશિયા અને અમેરિકા વચ્ચે યુદ્ધ થશે તો તે ત્રીજું વિશ્વ યુદ્ધ હશે.
રાસાયણિક વેપન મામલે આપ્યું મોટું નિવેદન
રાસાયણિક શસ્ત્રો વિશે પૂછવામાં આવેલા એક પ્રશ્ન પર જો બાયડને કહ્યું કે જો રશિયા તેનો ઉપયોગ કરશે તો તેના ગંભીર પરિણામો ભોગવવા પડશે. જ્યારે યુક્રેન પાસે રાસાયણિક હથિયારો વિશે પૂછવામાં આવ્યું ત્યારે તેણે કહ્યું કે આ સુરક્ષા સાથે જોડાયેલો મામલો છે. આવી સ્થિતિમાં તે તેના પર કોઈ ટિપ્પણી કરવા માંગતો નથી. અમેરિકાએ રશિયામાં વૈભવી સામાનની નિકાસ પર પ્રતિબંધ મૂક્યો છે. બાયડને કહ્યું કે રશિયન તમાકુ, કપડાં, ઘરેણાં, કાર અને પ્રાચીન વસ્તુઓ જેવી વસ્તુઓનો પણ સમાવેશ કરવામાં આવશે. તેની પાછળનો ઈરાદો રશિયન અલિગાર્કો પર દબાણ લાવવાનો અને રશિયાની અર્થવ્યવસ્થાને નબળી પાડવાનો છે. અમેરિકા રશિયા પર સતત દબાણ કરી રહ્યું છે.