વિશ્વ / 'ગમે તે થઈ જાય યુક્રેનને નકશામાંથી ભૂંસાવા નહીં દઈએ', કીવમાં જો બાયડનની રશિયાને મોટી ધમકી

• રશિયા-યૂક્રેનનાં યુદ્ધની વચ્ચે જો બાઈડને આપ્યું સરપ્રાઈઝ
• અચાનક રાજધાની કીવમાં પહોંચી મળ્યાં ઝેલેંસ્કીને
• અમેરિકા કરશે યૂક્રેનની 500 મિલિયનની મદદ

રશિયા-યૂક્રેનનાં યુદ્ધની વચ્ચે અમેરિકાનાં રાષ્ટ્રપતિ જો બાઈડન અચાનક રાજધાની કીવ પહોંચ્યાં છે. એકતરફ તેમણે રાષ્ટ્રપતિ વોલોડિમિર ઝેલેંસ્કી સાથે મુલાકાત કરી અને બીજી તરફ યૂક્રેનને દરેક શક્ય મદદ કરવાનું એલાન કર્યું છે. તેમની તરફથી ભારપૂર્વક કહેવામાં આવ્યું છે કે અમેરિકા યૂક્રેનની સાથે અડગ ઊભું રહેશે.

પુતિન પર બાઈડને કર્યા પ્રહારો
જો બાઈડને કીવમાં કહ્યું કે, પુતિનનો યુદ્ધ વિજય હવે નિષ્ફળ થઈ રહ્યો છે. એકવાર કબ્જો કર્યા બાદ હવે રશિયાની અડધી સેના નષ્ટ થઈ ગઈ છે. ટેલેન્ટેડ-યંગ રશિયન્સ રશિયાથી ભાગી રહ્યાં છે કારણકે તેમને રશિયામાં કોઈ ભવિષ્ય દેખાતું નથી. રશિયાની ઈકોનોમી પણ સંઘર્ષી રહી છે. 

Putin's war conquest is failing. Russia's military has lost half its territory once occupied. Young, talented Russians fleeing from Russia because they see no future in the country. Russian's economy is isolated and struggling: US President Joe Biden in Kyiv

— ANI (@ANI) February 20, 2023

જો બાઈડનની સરપ્રાઈઝ મીટિંગ, કર્યું મોટું એલાન
રાષ્ટ્રપતિ જો બાઈડને કીવ આવવા અંગે કોઈપણ ઓફિશિયલ જાહેરાત કરેલી નહોતી. જો બાઈડને ભારપૂર્વક કહ્યું છે કે અમેરિકા સતત યૂક્રેનનાં સમર્થનમાં ઊભું રહેશે અને દરેક શક્ય સહાયતા પણ આપવામાં આવશે. ઝેલેંસ્કીએ પણ અમેરિકી રાષ્ટ્રપતિની આ યાત્રા અંગે ખુશી વ્યક્ત કરી છે. તેમણે પણ કહ્યું કે આ યૂક્રેન માટે અમેરિકાનું જાહેરમાં સમર્થન છે.  તેમણે આગળ જણાવ્યું કે અમે યૂક્રેનને આશરે 500 મિલિયનની મદદ આપશું જેમાં અનેક હથિયારોનો સમાવેશ થશે. 

પુતિનનો ભ્રમ કર્યો દૂર...
અમેરિકા તરફથી જાહેર કરવામાં આવેલા વિસ્તૃત નિવેદનમાં જણાવવામાં આવ્યું છે કે યુદ્ધની વચ્ચે અમેરિકા કેવીરીતે અને ક્યાં સ્તર પર યૂક્રેનને મદદ કરશે. રાષ્ટ્રપતિ જો બાઈડને કહ્યું કે એક વર્ષ પહેલાં રાષ્ટ્રપતિ વ્લાદિમીર પુતિનને લાગ્યું હતું કે તે સરળતાથી યૂક્રેનને હરાવી દેશે, પશ્ચિમી દેશ એક નથી તેવામાં તેમને કોઈ પડકારી શકશે નહીં. પરંતુ તે સંપૂર્ણ રીતે ખોટા સાબિત થયાં છે. 

સહાયતા માટે અનેક મોટા એલાન થવાની શક્યતા
નિવેદનમાં બાઈડને એવું પણ જણાવ્યું કે તે યૂક્રેનની સહાયતા માટે અનેક એલાન કરવાનાં છે. તેમાં હથિયારથી લઈને બીજા જરૂરી સંસાધનો શામેલ છે. તેમના તરફથી એ તમામ દેશોને પણ ચેતવણી આપવામાં આવી છે જે યુદ્ધમાં રશિયાને પાછળથી મદદ કરી રહ્યાં છે.