અમેરિકાના નવા રાષ્ટ્રપતિ જો બાયડને કોરોના વેક્સીનને લઈને મોટી જાણકારી આપી છે. તેઓએ કહ્યું કે હાલમાં જ એક વેક્સીનને વિકસિત કરવામાં સારા પરિણામ મળી રહ્યા છે અને તેમાંથી અનેક વેક્સીન અસાધારણ રીતે પ્રભાવી જોવા મળી રહી છે. આ કારણે આશા રાખવામાં આવી રહી છે કે ડિસેમ્બર મહિનાના અંતમાં અમેરિકામાં કોરોના વેક્સીન આપવાની શરૂઆત કરી શકાશે.
જો બાયડને કોરોના વેક્સીનને લઈને મોટી જાણકારી આપી
ડિસેમ્બરના અંત સુધીમાં શરૂ કરી શકાશે વેક્સીનેશનનું કામ
જો બાયડને કહ્યું કે અત્યારે જે રીતે કામ ચાલી રહ્યું છે તેના આધારે ડિસેમ્બરના અંતમાં કે જાન્યુઆરીની શરૂઆતમાં વેક્સીનેશનનું કામ શરૂ કરી શકાશે. આ સાથે જ તેઓએ કહ્યું કે અમે આખા દેશમાં જલ્દી જ વેક્સીનેશન કરવા માટેની એક યોજના બનાવવાની જરૂર છે જે અમે બનાવીશું પણ તેમાં સમય લાગી શકે છે.
Then we'll need to put in place a distribution plan to get the entire country immunised as soon as possible, which we will do, but it's going to take time: US President-elect Joe Biden#COVID19https://t.co/qpa78aUZTD
દેશ અને દુનિયામાં કોરોના માથું ઉંચકી રહ્યો છે ત્યારે એક દિવસમાં વિશ્વમાં કોરોનાના નવા 6 લાખ 5 હજાર 568 કેસ નોંધાયા છે. વિશ્વમાં કોરોનાથી એક દિવસમાં 11 હજાર 981 લોકોના મૃત્યુ થયા હોવાની જાણકારી મળી છે. વિશ્વમાં અત્યાર સુધી કોરોનાથી 14 લાખ 25 હજાર 843 લોકોના મૃત્યુ થઈ ચૂક્યા છે. હાલમાં વિશ્વમાં કોરોનાના એક્ટીવ કેસ 1 કરોડ 72 લાખ 57 હજાર 467 છે. તો આ સાથે વિશ્વમાં કોરોનાના કુલ કેસ 6 કરોડ 7 લાખ 1 હજાર 13 પહોંચ્યા છે. વિશ્વમાં કોરોનાથી સ્વસ્થ થયેલા દર્દીઓની કુલ સંખ્યા 4 કરોડ 20 લાખ 17 હજાર 703ને પાર પહોંચી ચૂકી છે.