અમેરિકાની સત્તા પર હવે જૉ બાયડન બેસવા જઈ રહ્યા છે ત્યારે તેમના દ્વારા જે નિર્ણયો લેવાશે તેનાથી ભારતને શું ફાયદો થશે તેના પર બધાની નજર છે.
અમેરિકામાં બાયડને મારી બાજી
પાંચ લાખ ભારતીયોને મળશે અમેરિકાની નાગરિકતા
ડેમોક્રેટ પાર્ટીએ કર્યો છે વાયદો
અમેરિકામાં હવે બાયડન યુગની શરૂઆત થવા જઈ રહી છે, મહાસત્તા પર પહોંચવા માટે બાયડને ખૂબ સંઘર્ષ કર્યો છે ત્યારે હવે બાયડનના સત્તા પર આવવાથી ભારતને શું ફાયદો થશે તેના પર બધાની નજર છે. બાયડનના રાષ્ટ્રપતિ બનવા પર ભારતીયો અને ખાસ કરીને ગુજરાતીઓને ફાયદો થવા જઈ રહ્યો છે કે અમેરિકામાં હવે લાખો ભારતીયોને નાગરિકતા મળવી સરળ બની જશે.
અમેરિકાનાં નવા રાષ્ટ્રપતિ બન્યા બાદ બાઈડન એક કરોડથી વધારે અપ્રવાસીઓને અમેરિકાની નાગરિકતા આપવાના છે. બાઈડન 1.1 કરોડ લોકોને નાગરિકતા આપવાના રોડમેપ પર કામ કરી રહ્યા છે અને તેમાં લાખો ભારતીયોને પણ ફાયદો થઇ શકે છે. પ્લાન અનુસાર દરવર્ષે 95 હજાર લોકોને અમેરિકાની નાગરિકતા આપી દેવામાં આવશે.
બાઈડને ચૂંટણી પ્રચાર દરમિયાન જે ચૂંટણી ઢંઢેરો બહાર પાડ્યો હતો તે અનુસાર તરત જ પોતાના સિસ્ટમને આધુનિક બનાવવા માટે કોંગ્રેસ સાથે કામ શરુ કરી દેવામાં આવશે જેમાં 1.1 કરોડ અપ્રવાસીઈને નાગરિકતા પ્રદાન કરવા માટે રોડમેપ તૈયાર કરવાની વાતને સામેલ કરવામાં આવી છે. આ પ્રવાસીઓમાં પાંચ લાખ ભારતીયો પણ સામેલ છે.
ડેમોક્રેટ્સે પોતાના ચૂંટણી દસ્તાવેજમાં કહ્યું હતું કે બાયડન અમેરિકામાં આવનાર શરણાર્થીઓનું સ્વાગત કરે છે. નવી નીતિ હેઠળ અમેરિકા આવતા શરણાર્થીઓની સંખ્યા 1.25 લાખ નિર્ધારિત કરવામાં આવશે.