અમેરિકાના રાષ્ટ્રપતિ ડોનાલ્ડ ટ્રમ્પના નાના ભાઈ રોબર્ટ ટ્રમ્પનું નિધન થયું છે. બિઝનેસમેન રોબર્ટ 71 વર્ષના હતા. ન્યૂયોર્કની એક હોસ્પિટલમાં તેમની સારવાર ચાલી રહી હતી. વ્હાઈટ હાઉસ તરફથી આપવામાં આવેલા નિવેદન અનુસાર રોર્બર્ટનું શનિવારે નિધન થયું હતુ. રાષ્ટ્રપતિ ટ્રમ્પ આ પહેલાં શુક્રવારે ન્યૂયોર્ક સીટી હોસ્પિટલમાં ગંભીર રીતે બીમાર ભાઈને મળ્યા હતા.
અમેરિકી રાષ્ટ્રપતિ ડોનાલ્ડ ટ્રમ્પના નાના ભાઈનું નિધન
71 વર્ષના રોબર્ટ હતા બિઝનેસમેન
શુક્રવારે જ ટ્રમ્પે હોસ્પિટલમાં લીધી હતી મુલાકાત
ડોનાલ્ડ ટ્રમ્પે એક નિવેદનમાં કહ્યું કે ભબારે હૈયે કહેવું પડે છે કે મારા ભાઈ મારા દિલની ખૂબ નજીક હતા. તે મારા ભાઈ નહીં પણ સારા દોસ્ત પણ હતા. તે ઘણા યાદ આવશે. તેમની યાદો હંમેશા મારા દિલમાં રહેશે. રોબર્ટ, આઈ લવ યુ.
આ ઘટના એવા સમયે બની છે જ્યારે ડોનાલ્ડ ટ્રમ્મપ બીજી વખત અમેરિકાના રાષ્ટ્રપતિ બનવાની કોશિશમાં છે. ઉલ્લેખનીય છે કે ટ્રમ્પના ચૂંટણી કેમ્પેનની ટીમે ભારતીય- અમેરિકીઓ, શીખ, મુસલમાન અને અન્ય દક્ષિણ એશિયાઈ સમુદાયના મતદાતાને આકર્ષવા માટે 4 નવા સંગઠન બનાવ્યા છે. મળતી માહિતી અનુસાર અમેરિકામાં રાષ્ટ્રપતિ પદ માટે નવેમ્બરમાં થનારી ચૂંટણીમાં લગભગ 13 લાખ ભારતીય- અમેરિકીઓના મતદાન કરવાનું અનુમાન છે. તેમાંથી 2 લાખ લોકો પેન્સિલ્વેનિયા અને 1,25,000 મિશિગનમાં રહે છે.
પ્રચાર ટીમે ઈન્ડિયન વોઈસેસ ફોર ટ્રમ્પ, હિંદુ વોઈસેસ ફોર ટ્રમ્પ, શીખ વોઈસેસ ફોર ટ્રમ્પ અને મુસ્લિમ વોઈસેસ ફોર ટ્રમ્પનું સંગઠન કર્યું છે. ટીમનું કહેવું છે કે અમેરિકામાં આ સમુદાયના સભ્ય રાષ્ટ્રપતિ પદ માટે ડેમોક્રેટિક પાર્ટીના ઉમેદવાર જે બાઈડેન અને ઉપરાષ્ટ્રપતિ પદની ઉમેદવાર કમલા હેરિસના સમાજવાદી એજન્ડાની વિરુધ્ધ એક થઈને કામ કરશે.