નિવેદન / ભારત-પાકિસ્તાન વચ્ચે ઘટી રહી છે તણાવની સ્થિતિ, PM મોદી સાથે જલ્દી કરીશ બેઠકઃ ટ્રંપ

• ડોનાલ્ડ ટ્રંપનું નિવેદન
• ભારત -પાકિસ્તાનના પીએમ સાથે કરશે બેઠક
• પહેલી વખત અમેરિકન રાષ્ટ્રપતિ ભારતીય સમુદાયના સંગઠનમાં થશે સામેલ

ભારત -પાકિસ્તાનની સાથે કરશે બેઠક

ડોનાલ્ડ ટ્રંપે કહ્યું કે હું પીએમ મોદી સાથે મુલાકાત કરીશ અને ભારત -પાકિસ્તાનની સાથે પણ બેઠક કરીશ. મને લાગે છે અહીં ઘણી પ્રગતિના સંકેત છે. આ પહેલાં અમેરિકાના રાષ્ટ્રપતિ ડોનાલ્ડ ટ્રંપે રવિવારે કહ્યું કે 22 સપ્ટેમ્બરે હ્યુસ્ટનમાં થનારા હાઉડી મોદી કાર્યક્રમમાં ભાગ લેશે. આવું પહેલી વાર બનશે જ્યારે કોઈ અમેરિકી રાષ્ટ્રપતિ ભારતીય સમુદાયના કાર્યક્રમમાં સામેલ થશે. ખાસ કરીને એવી ઈવેન્ટ જેને કોઈ ભારતીય પ્રધાનમંત્રી સંબોધિત કરવાના હોય. 

US President Donald Trump: I will see Prime Minister Narendra Modi and I will be meeting with India and Pakistan. I think a lot of progress is being made there. (File pic) pic.twitter.com/ThMkqjzBzC

— ANI (@ANI) September 17, 2019

ભારતીય સમુદાયનું અમેરિકી સમાજ અને ત્યાંની અર્થવ્યવસ્થામાં ઘણું યોગદાન

ટ્રંપના હાઉડી મોદીના કાર્યક્રમમાં સામેલ થવાની વાત પર પીએમ મોદીએ ટ્વિટ કર્યું કે રાષ્ટ્રપતિ ટ્રંપ હ્યુસ્ટનમાં અમારી સાથે રહેશે. આ નિર્ણય જ ભારત - અમેરિકાના સંબંધોની મજબૂતી બતાવે છે. તેનાથી એ પણ ખ્યાલ આવે છે કે ભારતીય સમુદાયનું અમેરિકી સમાજ અને ત્યાંની અર્થવ્યવસ્થામાં ઘણું યોગદાન છે. કાર્યક્રમમાં ભારતીય સમુદાય ટ્રંપનું ભવ્ય સ્વાગત કરશે. આ કાર્યક્રમ ભારત અને અમેરિકાના લોકોની વચ્ચેના સંબંધો પર ભાર મૂકવા માટે અને દુનિયાનો સૌથી જૂના અને સૌથી મોટા લોકતંત્રોની રણનીતિને સમજવાની અને તેમના ઉર્જા અને વ્યાપાર સંબંધોને વધારે મજબૂત કરવાના સંબંધો પર ચર્ચા કરવાનો પણ ખાસ અવસર બની શકે છે. 

મોદી 21 સપ્ટેમ્બરે અમેરિકાના પ્રવાસે જઈ શકે છે અને ત્યાં તેઓ સૌ પહેલાં હ્યુસ્ટન પહોંચશે. 23-27 સપ્ટેમ્બર સુધી મોદી યૂએનમાં મહાસભામાં ભાગ લેશે.