ચેતવણી / અમેરિકા પર એટેક બાદ ઈરાનના 52 ઠેકાણાને બનાવાશે નિશાનઃ ટ્રમ્પ

• ડોનાલ્ડ ટ્રમ્પે ઈરાનને આપી ચેતવણી
• અમે તમારા 52 ઠેકાણાને નિશાન બનાવીશુઃ ટ્રમ્પ 
• હુમલાખોરોને શોધી શોધીને મારશુઃ ટ્રમ્પ

અમેરિકાના પ્રમુખ ડોનાલ્ડ ટ્રમ્પે ઈરાનને સીધી ચેતવણી આપી છે કે યુએસ આર્મીએ ઈરાનના 52 ઠેકાણાને ઓળખી લીધા છે, અને જો ઈરાન કોઈ અમેરિકન સંપત્તિ અથવા નાગરિક ઉપર હુમલો કરે છે તો તે ખૂબ જ ઝડપી અને ખૂબ વિનાશક હુમલો કરશે.

શનિવારે મોડીરાતે ઈરાને કર્યો હુમલો

ઈરાકમાં અમેરિકી દૂતાવાસ અને સૈન્યના સ્થળો પર રોકેટ હુમલો કર્યા બાદ ટ્રમ્પનો આ જવાબ આવ્યો છે. ટોચના ઈરાની જનરલ કાસિમ સુલેમાનીના મૃત્યુ બાદ ભારતીય સમય મુજબ શનિવારે લગભગ મધ્યરાત્રિએ બગદાદમાં યુએસ દૂતાવાસ અને બલાડ એર બેઝ પર ઈરાન તરફી લશ્કરી રોકેટે હુમલો કર્યો છે.

આતંકી નેતાથી દુનિયાને અપાવી મુક્તિ

આ હુમલા બાદ ફ્લોરિડામાં રજાઓ વીતાવી રહેલા ટ્રમ્પે પણ ધમકી ભર્યો સંદેશ ઈરાન સહિત દુનિયાને આપ્યો છે. ટ્રમ્પે કહ્યું કે ઈરાન અમેરિકી ઠેકાણા પર બદલામાં હુમલાની વાત કરી રહ્યું છે. ટ્રમ્પે કહ્યું કે કાસિમ સુલેમાનીને મારીને અમેરિકાએ આતંકી નેતાથી દુનિયાને મુક્તિ અપાવી છે જે અમેરિકા સહિત અનેક લોકોને મારી ચૂક્યો હતો. તેમાં અનેક ઈરાની પણ સામેલ હતા. 

....targeted 52 Iranian sites (representing the 52 American hostages taken by Iran many years ago), some at a very high level & important to Iran & the Iranian culture, and those targets, and Iran itself, WILL BE HIT VERY FAST AND VERY HARD. The USA wants no more threats!

— Donald J. Trump (@realDonaldTrump) January 4, 2020

ઈરાનના 52 ઠેકાણાની ઓળખ

ટ્રમ્પે કહ્યું કે હું ઈરાનને ચેતવણી આપું છું કે જો ઈરાને કોઈ પણ અમેરિકી કે અમેરિકી સંપત્તિ પર હુમલો કર્યો તો અમે 52 ઈરાની ઠેકાણાની ઓળખ કરી લીધી છે. તેમાં અનેક ખાસ જગ્યાઓ છે. જેને સરળતાથી નિશાન બનાવી શકાય છે. અમેરિકા કોઈ પ્રકારની ધમકી ઈચ્છતું નથી. ડોનાલ્ડ ટ્રમ્પે પોતાની વાત પર ભાર આપતાં અંગ્રેજી કેપિટલ અક્ષરોમાં લખ્યું છે કે, Iran WILL BE HIT VERY FAST AND VERY HARD.

Under President @realDonaldTrump, America's policy is unambigious toward terrorists who harm or plan to harm any American. pic.twitter.com/4rYsj2ZxSF

— The White House (@WhiteHouse) January 4, 2020

તમને શોધીશું અને તમને ખતમ કરીશું

ઈરાકમાં અમેરિકી  ઠેકાણા પરના હુમલા બાદ અમેરિકી રાષ્ટ્રપતિ ડોનાલ્ડ ટ્રમ્પે હુમલાખોરોને ધમકી આપી છે અને કહ્યું છે કે તેમને શોધવામાં આવશે અને તેમને ખતમ કરવામાં આવશે. ટ્રમ્પે કહ્યું કે મારા નેતૃત્વમાં આતંકવાદીઓને માટે અમેરિકાની નીતિ સ્પષ્ટ છે, જેઓએ પણ કોઈ અમેરિકીને નુકસાન કર્યું છે અથવા એમ કરવા વિચાર્યું છે તો તો અમે તેમને શોધીશું અને ખતમ કરીશું. અમે હંમેશા અમારા લોકોની રક્ષા કરીશું.