અમેરિકાના રાષ્ટ્રપ્રમુખ ડોનાલ્ડ ટ્રમ્પે સોમવારે કહ્યું કે તેઓ દેશને ફરીવાર ખોલવાની યોજનાના બિલકુલ નજીક છે. કોરોના વાયરસના કહેરને ધ્યાને લેતા દેશમાં 30 એપ્રિલ સુધી સોશિયલ ડિસ્ટેન્સિંગ બનાવી રાખવા માટે કેટલાક દિશા નિર્દેશ જાહેર કરાયા છે.
ડોનાલ્ડ ટ્રમ્પે કહ્યું, તેઓ દેશને ફરીવાર ખોલવાની યોજનાના બિલકુલ નજીક છે
USમાં 30 એપ્રિલ સુધી સોશિયલ ડિસ્ટેન્સિંગ બનાવી રાખવા દિશા નિર્દેશ જાહેર કરાયા છે
ઘાતક કોરોના વાયરસથી અમેરિકાની 95 ટકાથી પણ વધારે વસ્તી પ્રભાવિત થઇ છે. કોરોના વાયરસ પર એક પત્રકાર પરિષદમાં ટ્રમ્પે કહ્યું કે હું મારા ટીમ અને ટોચના એક્સપર્ટ્સ સાથે તેના પર વાતચીત કરી રહ્યો છુ અને અમે દેશે ફરી ખોલવાની યોજનાને પૂર્ણ કરવાની ઘણી નજીક છીએ. આશા છે કે આમ નક્કી સમય પહેલા થશે, જે ખુબજ મહત્વપૂર્ણ છે.
તેઓએ કહ્યું કે મારા તંત્રની યોજના અને દિશા નિર્દેશ અમેરિકાના લોકોને સામાન્ય જીવન શરૂ કરવાનો આત્મવિશ્વાસ આપશે, જેમની તેમને જરૂર છે. અમેરિકી રાષ્ટ્રપ્રમુખે કહ્યું કે અમે અમારા દેશને ફરી ખોલવા ઇચ્છીએ છીએ. અમે ફરી સામાન્ય જીવન જીવવા ઇચ્છીએ છીએ. આપણો દેશ ખુલવાનો છે અને સફળતા પૂર્વક ખુલશે.
નોંધનીય છે કે અમેરિકામાં મંગળવારે વાયરસથી સંક્રમણના ભોગ બનેલા લગભગ 1334 લોકોના મોત થયા અને 24,895 નવા કેસ સામે આવ્યા હતા. દેશમાં અત્યાર સુધીમાં 5.8 લાખ લોકો કોરોના પોઝિટિવ જોવા મળ્યા છે અને લગભગ 23,352 લોકોના મોત થયા છે.