આયુષ્માન ખુરાના અને જીતેન્દ્રકુમાર અભિનીત રોમેન્ટિક કોમેડી ગે ફિલ્મ 'શુભ મંગલ જ્યાદા સાવધાન' રિલીઝ થઈ ગઈ છે. આ ફિલ્મને દર્શકોનો સકારાત્મક પ્રતિસાદ મળી રહ્યો છે, તેમ જ આ ફિલ્મ તેના સંવેદનશીલ વિષયને કારણે આંતરરાષ્ટ્રીય સ્તરે પણ ચર્ચાનો વિષય બની ગઈ છે. ભારત પ્રવાસને કારણે ચર્ચામાં રહેલાં અમેરિકાના રાષ્ટ્રપતિ ડોનાલ્ડ ટ્રમ્પે પણ ફિલ્મના વખાણ કર્યા છે.
આયુષ્માનની શુભ મંગલ જ્યાદા સાવધાનની ધૂમ
ભારતમાં જ નહીં આંતરરાષ્ટ્રીય સ્તરે લોકો વખાણી રહ્યાં છે ફિલ્મ
અમેરિકાના રાષ્ટ્રપ્રમુખ ડોનાલ્ડ ટ્રમ્પ ફિલ્મના કર્યા વખાણ
હકીકતમાં બ્રિટિશ કાર્યકર પીટર ગેરી ટેચેલે શુભ મંગલને લગતી એક ટ્વિટ શેર કરી હતી, જેમાં તેમણે લખ્યું કે, બોલિવૂડની એક રોમેન્ટિક કોમેડી ફિલ્મ રિલીઝ થઈ છે. ભારતમાં સમલૈંગિકતાને કાયદેસર બનાવ્યા પછી, હવે આ ફિલ્મની મદદથી, દેશના વૃદ્ધ લોકોને સમલૈંગિકતા પ્રત્યે જાગૃત થવા અને જીતવાનો પ્રયાસ કરી રહ્યા છે.
તમને જણાવી દઈએ કે, પીટર ગેરી ટેચેલ બ્રિટીશ હ્યુમન રાઇટ્સ ઝુંબેશથી જોડાયેલા કાર્યકર છે. તેઓ મૂળ ઓસ્ટ્રેલિયાના છે. તે એલજીબીટી સમુદાયના સોશિયલ મૂવમેન્ટમાં તેમના કાર્ય માટે જાણીતા છે. વર્ષ 1981માં પ્રથમ વખત લેબર પાર્ટી દ્વારા તેમના ઉમેદવાર તરીકે ચૂંટાયા હતા. આયુષ્માન ખુરાનાની ફિલ્મની વાત કરીએ તો 'શુભ મંગલ જ્યાદા સાવધાન'માં નાના શહેરોમાં ગે રિલેશનશીપને લગતી સમસ્યાઓ ફની અંદાજમાં બતાવવામાં આવી છે.
I hope this is the beginning of President Trump's genuine embrace of LGBT+ rights & not just a PR stunt. Want more great news like the Bollywood gay rom-com? Sign up for free to my LGBT+ and human rights newsletter at https://t.co/rzjyjzyZi9https://t.co/DoQf2u1Hybpic.twitter.com/zT19JFmJpD
ગે રિલેશનશીપ પરની સૌથી સેન્સિબલ બોલિવૂડ ફિલ્મોમાંથી એક છે 'શુભ મંગલ જ્યાદા સાવધાન'
બોલિવૂડમાં આ પહેલાં પણ સમલૈંગિક સંબંધો પર ફિલ્મ બની ચૂકી છે, પરંતુ મોટાભાગની ફિલ્મોમાં હળવું અને રમૂજી વલણ અપનાવવામાં આવી છે અથવા અલીગઢ જેવી ફિલ્મોમાં, એક ગે વ્યક્તિનું જીવન ખૂબ ગંભીરતાથી બતાવવામાં આવ્યું છે.
જોકે, આયુષ્માનની આ ફિલ્મ ખૂબ જ અલગ રીતે રજૂ કરવામાં આવી છે. આ ફિલ્મમાં નાના શહેરોમાં ગે સંબંધોને સામાન્ય બનાવવાનો પ્રયાસ કરાયો છે સાથે જ તેના વિશે સમાજમાં ફેલાયેલી ધારણાઓને ફની અંદાજમાં દર્શાવી છે. આ ફિલ્મમાં આયુષ્માન ખુરાના અને જીતેન્દ્ર કુમાર સિવાય નીના ગુપ્તા, ગજરાજ રાવ અને મનુઋઃષિ ચડ્ઢા જેવા સ્ટાર્સે અભિનય કર્યો છે.