અમેરિકન રાષ્ટ્રપતિ ડોનાલ્ડ ટ્રમ્પ ભારત પ્રવાસ દરમિયાન 24 ફેબ્રુઆરીએ અમદાવાદની મુલાકાત લેવાનાં છે. તેઓ આ દરમિયાન સાબરમતી આશ્રમની પણ મુલાકાત લેશે. તેઓ 15 મિનિટ સુધી આશ્રમમાં રોકાવાનાં છે. અત્યાર સુધીમાં 5 દેશોના પ્રમુખોએ આશ્રમની મુલાકાત લીધી છે પણ સાબરમતી આશ્રમની મુલાકાત લેનારા ટ્રમ્પ પહેલા અમેરિકન પ્રમુખ બનશે. ત્યારે આ મુલાકાતને લઇને તમામ પ્રકારની તૈયારીઓ કરાઇ છે.
ટ્રમ્પ-મોદી ગાંધી આશ્રમની લેશે મુલાકાત
ગાંધી આશ્રમમાં પાર્કિંગ ગેટ બંધ કરાયો
મીડિયાના પ્રવેશ પર પ્રતિબંધ કરાયો
અમેરિકી રાષ્ટ્રપતિ ડોનાલ્ડ ટ્રમ્પ અને પ્રધાનમંત્રી નરેન્દ્ર મોદી અમદાવાદના ગાંધી આશ્રમની મુલાકાત લેવાના છે. જેને લઈને તંત્ર દ્વારા તમામ પ્રકારની તૈયારીઓ કરવામાં આવી રહી છે. તંત્ર દ્વારા ગાંધી આશ્રમમાં પાર્કિંગને ગેટ બંધ કરવામાં આવ્યો છે. વૃક્ષનું કટિંગ કરીને પાર્કિંગ વ્યવસ્થા માટે કામગીરી કરવામાં આવી છે. હાલમાં ગાંધી આશ્રમમાં મીડિયાનો પ્રવેશ બંધ કરવામાં આવ્યો છે. જોકે આશ્રમમાં મુલાકાતીઓને પ્રવેશ આપવામાં આવે છે. હાલમાં પ્રવેશ દ્વાર પર મેટલ ડિટેક્ટર ડોર ગોઠવવામાં આવ્યા છે.
15 મિનિટની મુલાકાત દરમિયાન ગાંધીના જીવન ઝરમરની ઝાંખી કરશે
ટ્રમ્પ 15 મિનિટની મુલાકાત દરમિયાન ગાંધીના જીવન ઝરમરની ઝાંખી કરશે. અનેક વિદેશી મહાનુભાવો સાબરમતી આશ્રમની મુલાકાત લઈ ચૂક્યાં છે. ટ્રમ્પનો ભારત પ્રવાસ ભારત માટે બહું મહત્વનો બની રહેશે તેવી આશા સેવાઈ રહી છે. બિઝનેસ તથા સુરક્ષાને લઈને ટ્રમ્પ સાથે બેઠક યોજાશે. ટ્રમ્પના સ્વાગતમાં લોકો લોકોની જોડાશે. ટ્રમ્પની મહેમાનગતિમાં ચાર ચાંદ લગાવવા માટે અમદાવાદને દુલ્હનની જેમ સજાવવામાં આવ્યું છે. અમદાવાદને સુરક્ષા છાવણીમાં બદલી દેવામાં આવશે.
અગાઉ 5 દેશોના પ્રમુખોએ આશ્રમની મુલાકાત લીધી
છેલ્લાં 5 વર્ષમાં 5 દેશનાં 5 વડા અત્યાર સુધીમાં અમદાવાદનાં સાબરમતી આશ્રમની મુલાકાત લઈ ચૂક્યાં છે જેમાં 17 સપ્ટેમ્બર, 2014ના રોજ ચીનના પ્રમુખ શી જિનપિંગ, 13 સપ્ટેમ્બર, 2017ના રોજ જાપાનના શિન્જો આબે, ત્યારે વર્ષ 2018માં 3 મહાનૂભવોએ આશ્રમની મુલાકાત લીધી છે જેમાં 17 જાન્યુઆરી, 2018 ઈઝરાયેલનાં બેન્જામિન નેત્યાનહુ, 19 ફેબ્રુઆરી કેનેડાના પ્રમુખ જસ્ટિન ટ્રૂડો, 23 જૂન સેશેલ્સના પ્રમુખ ડેની ફોરે આશ્રમની મુલાકાત લીધી હતી.