અમેરિકાના રાષ્ટ્રપતિ ડોનાલ્ડ ટ્રમ્પે બુધવારે કહ્યું કે તે મહિનાનાં અંતે થનારા પોતાના ભારત પ્રવાસની રાહ જોઈ રહ્યાં છે. ટ્રમ્પે મીડિયા સાથેની વાતચીતમાં કહ્યું હતું કે, ‘ભારત જવાની રાહ જોઈ રહ્યો છું.’ ઉલ્લેખનીય છે કે આના એક દિવસ પહેલા વ્હાઈટ હાઉસમાં તેમણે જાહેરાત કરી હતી કે તે 24-25 ફેબ્રુઆરી ગુજરાતનાં અમદાવાદ અને નવી દિલ્હીનાં પ્રવાસે જશે. એક સવાલના જવાબમાં તેમણે કહ્યું હતું કે ‘તે (પીએમ મોદી) એ મારા મિત્ર છે. તે એક મહાન માણસ છે.’
ટ્રમ્પ 24-25 ફેબ્રુઆરી ગુજરાતનાં અમદાવાદ અને નવી દિલ્હીનાં પ્રવાસે જશે
ટ્રમ્પે કહ્યું પીએમ મોદી એ મારા મિત્ર છે.
ટ્રમ્પે કહ્યું તે ભારત પ્રવાસની રાહ જોઈ રહ્યાં છે.
US President Donald Trump: He's (PM Modi) a friend of mine, he's a great gentleman and I look forward to going to India. So we'll be going at the end of the month. https://t.co/OJIZ2vaGJ8
ટ્રમ્પે જણાવ્યું હતું કે તેમની પીએમ મોદી સાથે વાતચીત થઈ હતી. મોદીએ તેમને જણાવ્યું હતું કે જ્યાર તમે આવશો ત્યારે એરપોર્ટથી લઈને ક્રિકેટ સ્ટેડિયમ સુધી લોકો તેમનું સ્વાગત કરશે.
આ વિશ્વનું સૌથી મોટું સ્ટેડિયમ છે
ટ્રમ્પે કહ્યું કે, ‘જ્યારે આપણી સાથે 50 હજાર લોકો હોય તો સારુ નથી લાગતું. અમારી સાથે 50થી 70 લાખ લોકો એરપોર્ટથી નવા સ્ટેડિયમ સુધી હશે. તમને જણાવી દઉ કે આ વિશ્વનું સૌથી મોટું સ્ટેડિયમ છે. તે તેને બનાવી રહ્યાં છે. લગભગ કામ પુરુ પણ થઈ ચુક્યું છે. ’
વ્હાઈટ હાઉસે એક ટ્વીટ પર કહ્યું ...
ઉલ્લેખનીય છે કે વ્હાઈટ હાઉસે એક ટ્વીટ પર કહ્યું હતું કે રાષ્ટ્રપતિ ડોનાલ્ડ ટ્રમ્પ 24-25 ફેબ્રુઆરીએ પીએમ મોદીને મળવા ભારત પ્રવાસે જશે. આ પ્રવાસ અમેરિકા- ભારતની રાજનીતિક ભાગીદારીને વધારે મજબૂત કરશે. તેમજ ભારત - અમેરિકાના લોકોની વચ્ચે મજબૂત અને સ્થાયી સંબંધ બનાવશે.