IPLIN
 

નિંદા / આ હુમલામાં થનાર નરસંહાર માટે રશિયા એકલું જવાબદાર રહેશે: અમેરિકન રાષ્ટ્રપતિ બાયડનની પ્રતિક્રિયા

Team VTV 10:22 AM, 24 Feb 22 | Updated: 10:25 AM, 24 Feb 22
Follow us
US President condemns Russia, blames Russia for catastrophe

રશિયા અને યુક્રેન વચ્ચે યુદ્ધના એલાન બાદ અમેરિકી રાષ્ટ્રપતિ જૉ બાઇડનની પ્રતિક્રિયા- રશિયાએ કારણ વગર આ પગલુ ભર્યુ જે સંપૂર્ણ ખોટુ છે.

  • રશિયા-યુક્રેન વચ્ચે યુદ્ધનું એલાન
  • રાષ્ટ્રપતિ જૉ બાયડને રશિયાની કરી નિંદા
  • મોત અને વિનાશ માટે રશિયા જ જવાબદાર-જૉ બાયડન

રશિયા અને યુક્રેન વચ્ચે આખરે યુદ્ધની શરુઆત થઇ ગઇ છે.  રશિયા દ્વારા યુક્રેન પર સૈન્ય કાર્યવાહી કરવાનુ એલાન પણ કરવામાં આવ્યુ જેને અમેરિકી રાષ્ટ્રપતિ જૉ બાયડને સખત શબ્દોમાં વખોડી કાઢ્યુ છે. બાયડનનું કહેવુ છે કે રશિયાની આ કાર્યવાહી કોઇ કારણોવગર કરવામાં આવી છે જે સંપૂર્ણ રીતે ખોટી છે.

માત્ર રશિયા જ જવાબદાર- જૉ બાયડન

બાઇડને વધુમાં એમ પણ જણાવ્યું કે આ યુદ્ધના કારણે થયેલા મોત અને વિનાશ માટે એકમાત્ર રશિયા જ જવાબદાર રહેશે. તેમણે કહ્યું છે કે અમેરિકા અને તેના સહયોગી દેશ એક થઈને આનો જવાબ આપશે. બાયડને કહ્યું કે વ્લાદિમીર પુતિને યુદ્ધનો રસ્તો અપનાવ્યો છે અને તેનાથી ઘણું જ નુકસાન થશે.

 

પુતિને આપી ચેતવણી

રશિયા અને યુક્રેન વચ્ચેના તણાવને લઇને પુતિને વિશ્વને ચેતવણી આપી છે કે રશિયાની સૈન્ય કાર્યવાહીમાં જો કોઇ દખલ કરવાની કોશિશ કરશે તો તેના ગંભીર પરિણામો આવશે. પુતિને કહ્યું  કે રશિયા અને યુક્રેન વચ્ચેના યુદ્ધને હવે ટાળી શકાય તેમ નથી. તેણે યુક્રેનિયન સૈન્ય દળોને તેમના શસ્ત્રો છોડી દેવા અને ઘરે જવા કહ્યું છે.

રશિયા ટસનું મસ ન થયું

રશિયાએ પૂર્વ યુક્રેનના લુહાન્સ્ક અને ડોનેત્સ્કને સ્વતંત્ર દેશો તરીકે માન્યતા આપી ત્યારથી વિશ્વના ઘણા દેશોએ તેના પર પ્રતિબંધો લગાવી દીધા છે. તેમ છતાં પણ રશિયા પીછેહઠ કરવા તૈયાર નથી. અમેરિકા અને યુરોપિયન દેશોએ પણ રશિયાને ચેતવ્યુ કે યુક્રેન પર કોઇપણ સૈન્ય કાર્યવાહી ન કરે નહિ તો તેના ગંભીર પરિણામો આવશે. . નાટો દેશોએ પણ રશિયાને ચેતવણી આપી છે, પરંતુ આ પછી પણ રશિયાએ યુક્રેનમાં સૈન્ય કાર્યવાહીની જાહેરાત કરી.

russiaukrainecrisis jo biden nato પુતિન જૉ બાયડન રશિયા યૂક્રેન યુદ્ધ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ