રશિયા-યુક્રેન જંગ વચ્ચે અમેરિકી રાષ્ટ્રપતિ જો બિડેને યુક્રેનને 800 મિલિયન ડોલરનું પેકેજ આપવાની જાહેરાત કરી છે.
શું અમેરિકા યુક્રેન-રશિયાને યુદ્ધ શરૂ રખાવવા ઇચ્છે છે!
અમેરિકાએ કરી યુક્રેનને 800 મિલિયન ડોલરનું પેકેજ આપવાની જાહેરાત
ઝેલેન્સ્કીએ અમેરિકી સંસદને મદદ કરવાની અપીલ કરી હતી
વ્હાઇટ હાઉસ તરફથી રજૂ કરવામાં આવેલા નિવેદન મુજબ, અમેરિકા યુક્રેનને 800 એન્ટી એરક્રાફ્ટ, 9000 એન્ટી આર્મર સિસ્ટમ અને 7000 નાના હથિયારો અને 20 મિલિયન રાઉન્ડ્સ અને અનમૈન્ડ એરિયલ સિસ્ટમ પણ પૂરી પાડશે. રક્ષા વિભાગ યુક્રેનની સેનાને ઉપકરણ આપશે. નિવેદનમાં જણાવવામાં આવ્યું કે, યુક્રેનને વધારાની સહાયતા આપવા માટે સહયોગીઓ તેમજ ભાગીદારો સાથે કામ કરવાનું શરૂ રાખશે.
અમેરિકન રાષ્ટ્રપતિ જો બિડેનની આ જાહેરાતનાં ઠીક પહેલાં યુક્રેનના રાષ્ટ્રપતિ વોલોદીમિર ઝેલેન્સ્કીએ અમેરિકી સંસદને સંબોધિત કરતા હજુ પણ વધારે મદદ કરવાની અપીલ કરી હતી.
Today, @POTUS announced an $800M assistance package to help Ukraine defend their country against Russia’s unprovoked and unjustified invasion.
This brings the total U.S. security assistance committed to Ukraine to $1B in the past week and a total of $2B since @POTUS took office.
ઝેલેન્સ્કીએ નો-ફ્લાય ઝોન જાહેર કરવાનો આગ્રહ રાખવાને બદલે રશિયન આક્રમણને રોકવા માટે લશ્કરી મદદની માંગણી કરી. નોંધનીય છે કે, વ્હાઇટ હાઉસે નો-ફ્લાય ઝોન જાહેર કરવાની ઝેલેન્સ્કીની વિનંતીને સ્વીકારવાનો ઇનકાર કરી દીધેલો. ઝેલેન્સ્કીએ પર્લ હાર્બર અને 11 સપ્ટેમ્બર, 2001ના રોજ થયેલા આતંકવાદી હુમલાનો પણ ઉલ્લેખ કર્યો હતો.
તમને જણાવી દઈએ કે, યુક્રેન-રશિયા વચ્ચેના યુદ્ધને 21 દિવસ થઈ ચૂક્યાં છે. સંયુક્ત રાષ્ટ્રનું કહેવું છે કે, યુદ્ધના કારણે અત્યાર સુધીમાં 30 લાખથી વધુ લોકો યુક્રેન છોડી ચૂક્યાં છે. યુએન માનવાધિકાર એકમે જણાવ્યું કે, યુદ્ધમાં 691 નાગરિકો માર્યા ગયા હતાં અને 1,143 ઘાયલ થયા હતાં. જો કે, તેનાથી જાનહાનિ પણ વધુ થઇ શકે છે.