અહેવાલો અનુસાર યુએસ સંસદ નજીક એક શંકાસ્પદ કારે બે અધિકારીઓને અડફેટે લઈને કચડી નાખ્યા હતા, જેના પછી ઘાયલ થયેલા અધિકારીઓને હોસ્પિટલ લઈ જવાયા છે.
કેપિટોલ હિલ એરિયામાં ફરીથી હિંસા
ગોળીબારની ઘટના પછી કારે બે અધિકારીઓને કચડયા
બંને ઘાયલ અધિકારીઓને સ્ટ્રેચર પર હોસ્પિટલમા ખસેડાયા
એક માહિતી અનુસાર યુ.એસ. સંસદ કેપિટોલ હિલ સુરક્ષા કારણોસર બંધ કરી દેવામાં આવી છે. અહેવાલો અનુસાર યુએસ સંસદ નજીક વાહનની ભારે ટક્કરને કારણે બે અધિકારીઓ ઘાયલ થયા છે. આ ઘટના વિશેની સમગ્ર માહિતી હજુ સામે આવી નથી, પરંતુ કહેવાઈ રહ્યું છે કે યુએસ કેપિટોલ હિલ એરિયામાં ગોળીબારની ઘટના બનવા પામી હતી અને જેના પછી શંકાસ્પદ કારે બે અધિકારીઓને અડફેટે લઇને કચડયા હતા. યુ.એસ. સંસદ કેપિટોલ હિલને સુરક્ષાના કારણોસર બંધ કરાઈ છે. અહેવાલો અનુસાર યુએસ સંસદ નજીક વાહનની ભારે ટક્કરને કારણે બે અધિકારીઓ ઘાયલ થયા છે. પોલીસે ડ્રાઇવરની ધરપકડ કરી છે.
CRITICAL INCIDENT: USCP is responding to the North Barricade vehicle access point along Independence Avenue for reports someone rammed a vehicle into two USCP officers. A suspect is in custody. Both officers are injured. All three have been transported to the hospital. pic.twitter.com/4TXIdulJc6
— U.S. Capitol Police (@CapitolPolice) April 2, 2021
શંકાસ્પદ વ્યક્તિએ કારને બે અધિકારીઓના માથે ચઢાવી દીધી
યુએસ કેપિટોલ હિલ પોલીસે ટ્વીટ કર્યું છે કે શંકાસ્પદને હાલમા અટકાયતમાં લઈ લેવામાં આવ્યો છે, બે પોલીસ અધિકારીઓ ઘાયલ થયા છે, તેમને સારવાર માટે હોસ્પિટલમાં લઈ જવામાં આવ્યા છે. અગાઉ કેપિટોલ હિલ સંકુલમાં કાર ફાટક સાથે અથડાયા બાદ કેપિટોલ બિલ્ડિંગની અંદરથી બહાર નીકળવાનું બંધ કરવામાં આવ્યું હતું. સલામતી સુનિશ્ચિત કરવા માટે કેપિટોલ કેમ્પસમાં હેલિકોપ્ટરનો ઉપયોગ કરવામાં આવ્યો હતો. અહેવાલો અનુસાર કારને બેરીયરની સાથે ટકરાવી દીધા પછી બાદ ડ્રાઇવિંગ કરી રહેલ શંકાસ્પદ વ્યક્તિ હાથમાં છરી લઇને બહાર આવ્યો હતો જો કે ત્યારબાદ પોલીસની ગોળીથી તે ઈજાગ્રસ્ત થયો હતો.
અહેવાલો અનુસાર, વોશિંગ્ટનના કેપિટોલ હિલના ગેટ સાથે કારની ટક્કર પછી બંને અધિકારીઓને સ્ટ્રેચર પર લઈ જવામાં આવ્યા હતા. સુરક્ષા એજન્સીઓએ ભારે પોલીસ બંદોબસ્ત વચ્ચે ઘટનાની તપાસ શરૂ કરી દીધી છે. શંકાસ્પદ વ્યક્તિને પણ હોસ્પિટલમાં લઈ જવામાં આવ્યો છે.
🚨🚨A helicopter just landed on the east front of the Capitol. I’ve never seen anything like this before. ever. pic.twitter.com/LxV0mywRSe
નોંધપાત્ર વાત એ છે કે, યુ.એસ.માં જો બાયડનના ઉદ્ઘાટન સમારોહ પૂર્વે 6 જાન્યુઆરીએ યુ.એસ. સંસદ કેપિટોલ હિલમાં હિંસા થઈ હતી. તત્કાલીન અમેરિકાના રાષ્ટ્રપતિ ડોનાલ્ડ ટ્રમ્પના ભાષણ બાદ તેમના સમર્થકો ત્યાં ભડક્યા હોવાના આક્ષેપ કરવામાં આવ્યા છે. તે હિંસક ઘટનામાં 5 લોકો માર્યા ગયા હતા અને 140 થી વધુ ઘાયલ થયા હતા. તે હિંસા પછી, કેપિટોલ હિલની સુરક્ષા ખૂબ કડક કરવામાં આવી હતી.